ტვერის რაიონულმა სასამართლომ მერიის წინააღმდეგ ლიბერტარიანული პარტიის სარჩელი ნაწილობრივ დააკმაყოფილა. სასამართლომ 31 აგვისტოს მარშის ჩატარებაზე მერიის უარი უკანონოდ მიიჩნია. სასამართლომ მერიას აქციის ორგანიზატორებისთვის მარშის ალტერნატიული ადგილისა და დროის გამოყოფა დაავალა.
რუსეთის ლიბერტარიანული პარტია სასამართლოს ვერდიქტის გასაჩივრებას აპირებს. ადამიანის უფლებათა დამცველები ტვერის რაიონული სასამართლოს გადაწყვეტილებას ოპოზიციის მორალურ გამარჯვებას უწოდებენ.
ამ ინფორმაციას „კომერსანტზე“ დაყრდნობით „ბი-ბი-სი“ ავრცელებს.