რომან გოცირიძე - მამუკა ხაზარაძე და ბადრი ჯაფარიძე ივანიშვილის პირობებში მუდამ იქნებიან პატიმრობისა და ფინანსური განადგურების რისკის ქვეშ

მამუკა ხაზარაძე და ბადრი ჯაფარიძე ივანიშვილის პირობებში მუდამ იქნებიან პატიმრობისა და ფინანსური განადგურების რისკის ქვეშ. არათუ ანაკლიის პროექტის, არამედ საერთოდ, მათი ნებისმიერი აქტიურობის პერსპექტივა ივანიშვილის ხელისუფლების პირობებში არის ნული,- ასე ეხმაურება ფრაქცია "ნაციონალური მოძრაობის" თავმჯდომარე რომან გოცირიძე " თიბისი ბანკის" დამფუძნებლების, მიერ გავრცელებულ ინფორმაციას, რომლის თანახმად ფინანსური მონიტორინგის სამსახურმა ბრიტანეთში მათი ანგარიშების დაყადაღება მოითხოვა.

როგორც „ინტერპრესნიუსს" გოცირიძემ განუცხადა, „თიბისი ბანკის"დამფუძნებლების მიმართ ანგარიშების დაყადაღება იმას ემსახურება, რომ მათი პოლიტიკური აქტიურობის ყველა წყარო განადგურდეს.

„ბოლო 2 თვის განმავლობაში ხელისუფლებამ იმდენი რეპრესიული ნაბიჯი გადადგა, რომ ეს ორ დიქტატორსაც კი ეყოფოდა თავისი დიქტატორული საქმიანობისთვის მთელი წლის განმავლობაში. რომ ჩამოვთვალოთ, ესენია: ხაზარაძე-ჯაფარიძის ფაქტობრივად შინაპატიმრობა და ანგარიშების დაყადაღება, მათ უცხოეთში გასვლაც კი აუკრძალეს."რუსთავი 2"-ის საქმე, ახლა "ტვ პირველზე" დარტყმა და მისი ფაქტობრივი მეპატრონისთვის ბრალის წაყენება, ნიკა მელიას რეალური შინაპატიმრობა, ნიკა გვარამიასთვის ქვეყნიდან გასვლის აკრძალვა, ირაკლი ოქრუაშვილის ციხეში ჩასმა და ანაკლიის პროექტის დასამარება. ეს ყველაფერი მოხდა 20 ივნისის შემდეგ. ახლა უკვე ხელმეორედ ხდება გადათელვა მისი პოლიტიკური ოპონენტების. ხაზარაძისადმი ანგარიშების გაყინვის მთავარი ამოცანა იყო მისი მომავალი პოლიტიკური აქტივობის ბლოკირება და მომავალი პარტიისთვის ფინანსური ბაზის განეიტრალება. უცხოეთში ანგარიშების გაყინვის მოთხოვნა, ფაქტობრივად, ნიშნავს ამ ხაზის გაგრძელებას, რათა მათ მოუსპონ ნებისმიერი ფინანსური წყარო პოლიტიკური აქტიურობისთვის. გარდა ამისა, ანგარიშების დაყადაღება ნიშნავს ანაკლიის მიმართულებით ნებისმიერი ფინანსური ნაკადების წარმართვას, ვინაიდან ვიცით, რომ ხაზარაძე-ჯაფარიძე ანაკლიის კონსორციუმის დამფუძნებლები არიან, სადაც მათ, ასევე აქვთ ვალდებულებები საკუთარი კაპიტალის გაზრდისა", - განაცხადა გიცირიძემ.

მისი თქმით, ფინანსური მონიტორინგის სამსახური პოლიტიკური დევნის ბერკეტად გადაიქცა.

"როცა ივანიშვილი ხელისუფლებაში მოვიდა, პირველი, რაც გააკეთა არის - ეროვნული ბანკიდან ფინანსური მონიტორინგის სამსახურის გამოყოფა. იმ ფინანსური მონიტორინგის სამსახურის, რომელიც შემდეგ ივანიშვილის ხელში გადაიქცა ძალიან სახიფათო ბერკეტად პოლიტიკური და სხვა სახის დევნისთვის",- განაცხადა გოცირიძემ.

ნანა ჩაჩუა - არჩევნების წინ არსებულ ვითარებას შევაფასებდი როგორც სიურრეალიზმს, თანაც ისეთს, როგორსაც სალვადორ დალიც კი ვერ წარმოიდგენდა
ქართული პრესის მიმოხილვა 22.10.2020
ილჰამ ალიევი იაპონურ გაზეთ Nikkei-სთან ინტერვიუში - ომის შემდეგ სომხეთს შეუძლია, აზერბაიჯანისა და თურქეთის პარტნიორი გახდეს
პარტია “ალეკო ელისაშვილი - მოქალაქეების” ერთ-ერთი ლიდერი ქეთი თურაზაშვილი - აუცილებელია განათლების სისტემის რეფორმა და “კომაროვის” მოდელი
დავით თარხან-მოურავი - ვინც კოდორი და ახალგორი ჩააბარა, ის გვაცხადებს რუსეთის აგენტად - ამაზე დაფიქრდით (R)
დავით თარხან-მოურავი - მოსახლეობის უმეტესობა ირჩევს "საქართველოს პატრიოტთა ალიანსს (R)
„ბადაგონმა“ თანამშრომლების უსაფრთხოებისთვის PCR ტესტირება დაიწყო
გიორგი ლომია - "ოცნება" და "ნაცმოძრაობა" იმდენად შეერწყნენ ერთმანეთს, რომ დღეს უკვე ერთნი არიან" (R)
პაატა ჯიბლაძე - "პატრიოტთა ალიანსი" ერთადერთი ძალაა, რომელიც ყოველთვის ქვეყნის ინტერესებიდან გამომდინარე მოქმედებს (R)
ნანა დევდარიანი - "პატრიოტთა ალიანსი" უსწრებს "ქართულ ოცნებას" (R)