20 ივნისის საქმეზე დაკავებული 7 პირი პატიმრობაში რჩება. წინასასამართლო სხდომაზე დაცვის მხარემ შუამდგომლობა დააყენა, დაკავებულების მიმართ საპატიმრო აღკვეთის ღონისძიების გირაოთი შეცვლის თაობაზე, რაც მოსამართლე ლევან გელოვანმა არ დააკმაყოფილა.
შეგახსენებთ, დღეს საქალაქო სასამართლოში 20 ივნისს დაკავებული 7 პირის წინასასამართლო სხდომა გაიმართა. მათ პარლამენტთან მიმდინარე აქციის დროს ჯგუფურ ძალადობაში მონაწილეობა ედებათ ბრალად.
ამ გადაწყვეტილებას საქალაქო სასამართლოს ეზოში შეკრებილები, დაკავებულების ოჯახის წევრები და მეგობრები საყვირებით და ტრაფარეტებით "სირცხვილია" აპროტესტებენ.