ადვოკატი პროკურატურის მხრიდან მამუკა ხაზარაძის და ბადრი ჯაფარიძის მიერ ცრუ ინფორმაციის გავრცელების შესახებ გაკეთებულ განცხადებას პასუხობს

ადვოკატი ზვიად კორძაძე პროკურატურის მხრიდან „თიბისი ბანკის“ დამფუძნებლების, მამუკა ხაზარაძის და ბადრი ჯაფარიძის მიერ ცრუ ინფორმაციის გავრცელების შესახებ გაკეთებულ განცხადებას პასუხობს.

კერძოდ, საუბარია პროკურორის იმ განცხადებაზე, რომლის თანახმად, „საქმის მასალებიდან გამომდინარე, საქართველოს ფინანსური მონიტორინგის სამსახურს არ მიუმართავს ბრიტანელი კოლეგებისათვის. პირიქით, ბრიტანულმა მხარემ მიაწოდა ინფორმაცია ქართულ მხარეს ბრალდებულების ფინანსური აქტივობების შესახებ“.

ადვოკატმა ზვიად კორძაძემ სოციალურ ქსელში შესაბამისი დოკუმენტები გაასაჯაროვა, კერძოდ:

1. პროკურატურის შუამდგომლობა სამართლებრივ დახმარებაზე (ტომი 21) ;

2. ბრიტანეთიდან მოსული წერილის ქართული თარგმანი, რომელიც პროკურატურამ გადასცათ;

3. სასამართლო განჩინება ბრიტანეთში ანგარიშის დაყადაღებაზე.

„ეს არის პროკურატურის შუამდგომლობა სამართლებრივ დახმარებაზე ბრიტანეთისგან. შემდეგ პროკურატურას მოუვიდა შესაბამისი პასუხი, არის ბრიტანეთიდან გამოგზავნილი შესაბამისი წერილი, შემდეგ მან მიმართა უკვე სასამართლოს, იმისათვის, რომ ყადაღა დაედო ანგარიშზე. სასამართლომ გამოიტანა განჩინება, რომლითაც ანგარიშებს დაედო ყადაღა და რომელიც ჩვენ გასაჩივრებული გვაქვს. ვინ საიდან მიაწოდებდა ბრიტანეთის შესაბამისი ორგანოდან პროკურატურას აღნიშნულ ინფორმაციას და რატომ მიმართავდა პროკურატურა შუამდგომლობით სასამართლოს და რატომ დააკმაყოფილებდა?“- განუცხადა კორძაძემ „ინტერპრესნიუსს“.

ლევან ბოძაშვილი - ახლა არაორდინარული, არასტანდარტული გადაწყვეტილებების დროა
ქართული პრესის მიმოხილვა 26.03.2020
სოსო არჩვაძე - ეროვნული ვალუტის კურსის რყევამ  შეიძლება სერიოზულად დააზიანოს ის შედეგები, რაც მიღწეულია მთავრობის მიერ
„მაკდონალდსი“ ლუგარის ლაბორატორიის პერსონალის კვებაზე ზრუნავს
„ვენდი“ და „დანკინი“ მიწოდების უკონტაქტო სერვისზე გადადის
კომპანია "ლისი დეველოპმენტმა" მთავრობის მიერ შექმნილ StopCov ფონდში 50 000 ლარი გადარიცხა
„ვისოლ ჯგუფი“ თბილისის მერიასთან ერთად მარტოხელა მოხუცებს ყოველდღიური მოხმარების საგნებითა და საკვები პროდუქტებით მოამარაგებს
„სოკარმა“ STOPCOV ფონდის მხარდასაჭერად საქართველოს ბიზნეს ასოციაციაში 200 000 ლარი ჩარიცხა
ბაზისბანკის ვიდეობანკი ციფრული სერვისების გასააქტიურებლად
შპს "ფერიმ" და სს "დარიალი ენერჯიმ" კორონავირუსთან ბრძოლის ფონდს ნახევარი მილიონი ლარი გადაურიცხა
ლიბერთის პროგრამა აპრილის პენსიების წინასწარ ჩარიცხვის მიმართულებით ყველა ასაკის პენსიონერზე გავრცელდება