28 აგვისტოს სალიტანიო ანჩისხატით თბილისში ლოცვითი მსვლელობა გაიმართება

28 აგვისტოს, სალიტანიო ანჩისხატით თბილისში ლოცვითი მსვლელობა გაიმართება. ამის შესახებ ინფორმაციას ანჩისხატის მომლოცველთა ჯგუფის ხელმძღვანელი ზაზა ნანობაშვილი ავრცელებს.

„28 აგვისტოს, მარიამობას, 14:00 საათზე სალიტანიო ანჩისხატი თბილისში, რუსთაველის ძეგლთან შემობრძანდება, სადაც ხატს შეეგებებიან მორწმუნეები და ლოცვითი სვლით წააბრძანებენ ხელოვნების მუზეუმის წინ არსებულ სამლოცველოში.

სიწმიდეების წინაშე აღევლინება პარაკლისი ერის კეთილდღეობისთვის.

აღსანიშნავია, პატრიარქის ლოცვა-კურთხევით კულტურის სამინისტროში შეტანილია ანჩისხატის ტაძარში დაბრუნების პროექტი, რომლის აღსრულებას ათასობით ხელმომწერი ელოდება“, - ნათქვამია ინფორმაციაში.

როგორ გაართვა თავი განათლების სისტემამ სწავლების დისტანციურ რეჟიმს? - პირველი სემესტრის შედეგებს განათლების მინისტრის მოადგილე აჯამებს
ქართული პრესის მიმოხილვა 18.01.2021
პაატა ცაგარეიშვილი  - საქართველოს სატრანზიტო შესაძლებლობები იმ შემთხვევაში აღმოჩნდება საფრთხის ქვეშ, თუ სომხეთი ახლო მომავალში შეძლებს გახდეს სატრანზიტო ქვეყანა