საქართველოს მორაგბეთა ნაკრებმა სამხრეთაფრიკულ "საუზერნ კინგსს" 24:20 მოუგო

საქართველოს მორაგბეთა ნაკრებმა მსოფლიო თასისთვის მოსამზადებელი ეტაპის, "თიბისი რაგბის" სერიების პირველ მატჩში სამხრეთაფრიკულ "საუზერნ კინგსს" 24:20 მოუგო. მატჩი თბილისის მიხეილ მესხის სახელობის სტადიონზე გაიმართა.

როგორც sportall.ge წერს, წაგებული პირველი ტაიმის (5:17) შემდეგ, "ბორჯღალოსნების" მწვრთნელმა მილტონ ჰეიგმა რიგი შეცვლები განახორციელა. 67-ე წუთზე მოდებაძემ ლელო გაიტანა, ანგარიში გახდა 10:20. ამის შემდეგ საქართველოს ნაკრებმა ანგარიში 17:20-მდე გაზარდა.

77-ე წუთზე კი სუთიაშვილმა ლელო გაიტანა, გარდასახვაც გამოიყენა და საბოლოოდ, საქართველოს ნაკრებმა 24:20 გაიმარჯვა.

31 აგვისტოს ბორჯღალოსნები "დინამო არენაზე" შოტლანდიის ეროვნულ გუნდს უმასპინძლებენ. მატჩი 20:00 საათზე დაიწყება.

დავით იაკობიძე - მთავარია, კარგად ვიცოდეთ, რა გვინდა სოფლის მეურნეობასა და ეკონომიკაში და ვიცოდეთ, ვის შევთავაზოთ პარტნიორობა
ქართული პრესის მიმოხილვა 06.04.2020
ვაჟა ბერიძე - მთავრობა სწრაფად და ეფექტიანად რეაგირებს გამოწვევებზე, ეს სადღეისოდ საკმარისია, მაგრამ ტაში და ვაშა ჯერჯერობით ნაადრევია