რელიგიის საკითხთა სახელმწიფო სააგენტო საქართველოს მართლმადიდებელ ეკლესიას მარიამობას ულოცავს და ერთობას, სიყვარულსა და წინსვლას უსურვებს.
„საქართველოს სამოციქულო ავტოკეფალური მართლმადიდებელი ეკლესია დღეს ღვთისმშობლის მიძინებას - მარიამობას ზეიმობს, იგი თორმეტ უდიდეს დღესასწაულის სიაში შედის. გადმოცემით, ყოვლადწმინდა ღვთისმშობელმა მაცხოვრის ზეცად ამაღლებიდან მეჩვიდმეტე წელს წმინდა იოანე ღვთისმეტყველის სახლში მიიძინა. მიძინების შესახებ მას, წინასწარ, სამი დღით ადრე ეუწყა ანგელოზისგან. დედა ღვთისამ უფალს შესთხოვა, მიცვალებამდე კიდევ ერთხელ ეხილა ქვეყნის სხვადასხვა კუთხეში საქადაგებლად წასული მოციქულები, რათა გამოსთხოვებოდა მათ.
ღვთისმშობლის ანდერძის თანახმად, მოციქულებმა მისი წმინდა სხეული გეთსემანიის ბაღში დაკრძალეს. საქართველოში ღვთისმშობელთან დაკავშირებულ დღესასწაულებს განსაკუთრებულად აღნიშნავენ, რადგან ჩვენი ქვეყანა ყოვლადწმინდა ღვთისმშობლის წილხვედრადაა მიჩნეული,“ - ნათქვამია რელიგიის საკითხთა სახელმწიფო სააგენტოს ინფორმაციაში.