ბოლივიის პრეზიდენტი ევო მორალესი ტყეებში ხანძრის ჩაქრობის პროცესში პირადად ჩაერთო. ცეცხლი ტროპიკულ ტყეებს პარაგვაის და ბრაზილიის სასაზღვრო რეგიონში უკიდია.

ბოლივიაში სულ მცირე 1 მილიონი ჰექტარი ტერიტორია ხანძარმა უკვე გაანადგურა. ბოლივიის ტყეებში ხანძარს 2 000 მეხანძრე ებრძვის. გარდა ამისა, ბოლივიის მთავრობამ აშშ-სგან სახანძრო თვითმფრინავი „სუპერტანკერი“ მიიღო. მიუხედავად ხანძრის ჩაქრობის აქტიური პროცესისა, ტყის ხანძრების გავრცელების არეალი ბოლო ხუთი დღის განმავლობაში გაორმაგდა.

იხილეთ ვიდეო: ბოლივიის პრეზიდენტი ევო მორალესი ტყებში ხანძრის ჩაქრობის პროცესში თავადაც ჩაერთო