იაპონიაში ძლიერი წყალდიდობაა, არის მსხვერპლი
იაპონიაში ძლიერი წყალდიდობაა, დაიღუპა ორი ადამიანი. ადგილობრივი მედიის ცნობით, დატბორილი ტერიტორიებიდან 850 000-მდე ადამიანის ევაკუაცია განხორციელდა.
უხვმა ნალექმა მდინარეებში წყლის დონის მატება გამოიწვია, რის შედეგადაც წყალი ნაპირებიდან გადავიდა. რამდენიმე ადგილას კი მეწყერი დაფიქსირდა.
სტიქიამ განსაკუთრებით დააზარალა კიუსიუს რეგიონი. წყალმა ავტომობილებიც დააზიანა. სტიქიის გამო გაუქმდა სარკინიგზო რეისები. შეფერხებულია გზებზე სატრანსპორტო მოძრაობა. ქალაქ საგას დატბორილ ქუჩებში მოცურავე თევზებიც დააფიქსირეს.
იაპონიის მეტეოროლოგიური სამსახური მოსახლეობას სიფრთხილისკენ მოუწოდებს, ვინაიდან მსგავსი რაოდენობით ნალექი კიუსიუს რეგიონს არასოდეს გამოუცდია.
იხილეთ ვიდეო: იაპონიაში ძლიერი წყალდიდობაა - დაიღუპა ორი ადამიანი
