ნიკა გვარამია - „მთავარი არხი“ მაუწყებლობას, სავარაუდოდ, 9 სექტემბერს დაიწყებს და დროებით ტელეკომპანია „იბერიის“ შენობაში განთავსდება

ახალი ტელეკომპანია „მთავარი არხი“ მაუწყებლობას, სავარაუდოდ, 9 სექტემბერს დაიწყებს. ტელევიზია დროებით ტელეკომპანია „იბერიის“ შენობაში განთავსდება, - ამის შესახებ „ინტერპრესნიუსს“ „მთავარი არხის“ გენერალურმა დირექტორმა ნიკა გვარამიამ განუცხადა.

მისი განმარტებით, ტექნიკა, რომლითაც ტელეკომპანიამ უნდა იმუშაოს, „იბერიას“ ეკუთვნის. ჯერჯერობით უცნობია საინფორმაციო გამოშვების სახელწოდება. გვარამია აცხადებს, რომ ეთერში ღამე გავა გადაცემა „კვირის აქცენტები“ - ჟურნალისტ გიორგი გაბუნიას საავტორო გადაცემის დასრულების შემდეგ.

„დროებით ვიქნებით ტელეკომპანია „იბერიის“ შენობაში. ეს იქნება დროებითი მაუწყებლობა, იმიტომ, რომ სტუდიისა და ტელევიზიის გამართვას დრო სჭირდება. თან, საბოლოოდ არ გვაქვს შერჩეული ლოკაცია, ვმსჯელობთ რამდენიმე ვარიანტზე და სანამ ეს ყველაფერი მოგვარდება, არ მიმაჩნია სწორად, რომ ეთერში არ ვიყოთ. ამიტომ, ეთერში დროებითი მაუწყებლობით გავალთ.

ტექნიკა, რომელსაც „მთავარი არხი“ გამოიყენებს, ეკუთვნის „იბერიას“. სავარაუდოდ, მერე ეს ტექნიკა ჩადებული იქნება საწარმოში, კაპიტალში ზაზა ოქუაშვილის მიერ. მე, მგონია, რომ ზაზა ოქუაშვილი თავისი ნებით ძალიან მნიშვნელოვან როლს თამაშობს ამ ყველაფრის გათვალისწინებით ქართული დემოკრატიის განვითარებაში. ჩემთვის პირადად, ეს ძალიან მაგარი ამბავია.

რაც შეეხება ჟურნალისტებს, თუ ვინ იმუშავებს „მთავარ არხზე“ - მე ვინც მჭირდება ყველა მყავს“, - განაცხადა ნიკა გვარამიამ.

იხილეთ ვიდეო: როდის დაიწყებს მაუწყებლობას "მთავარი არხი"?

რამაზ საყვარელიძე - თუ „ქოც/ნაცებმა“ მიაღწიეს საწადელს, ისევ დატოვეს ამომრჩეველი ორ პოლუსს შორის, მაშინ არაფერი შეიცვლება, ამ კინოსაც ის დასასრული ექნება, რაც ადრინდელ კინოებს ჰქონდათ
ქართული პრესის მიმოხილვა 23.09.2021
დიმიტრი შველიძე - ახლა პოლიტიკური ელიტა იდეებისაგან დაცლილია, ფულის ფაქტორი გადამწყვეტია, სოციალური პოლარიზაცია უძლეველია და კაცმა არ იცის, ელექტორატის უმრავლესობა ვის უჭერს მხარს
საქართველოს უნივერსიტეტი ვაქცინაციის პროცესში ჩაერთო
შპს „ლუკოილ-ჯორჯიამ“ კომპანია „უნიგრუპის“ წინააღმდეგ სასამართლოში სარჩელი შეიტანა
„კასტელო მარე“ ზაფხულის წარმატებული სეზონის შემდეგ საშემოდგომო სეზონისთვის ემზადება
„უმალი“ გაყინული თევზის ბაზარზე შესვლას გეგმავს