წითელი ჯვრის საერთაშორისო კომიტეტის ორგანიზებით, 30 აგვისტოს უგზო-უკვლოდ დაკარგულთა საერთაშორისო დღისადმი მიძღვნილი ღონისძიება იმართება. ინფორმაციას წითელი ჯვრის საერთაშორისო კომიტეტი ავრცელებს.
თბილისში ღონისძიება 30 აგვისტოს, 15:00 საათზე, დიდუბის საგამოფენო დარბაზის Expo Georgia-ს მე-3 პავილიონში ჩატარდება.
უგზო-უკვლოდ დაკარგულთა საერთაშორისო დღე თბილისის გარდა 30 აგვისტოს ასევე აღინიშნება: ზუგდიდში („ენგურქაღალდ კომბინატის“ დასახლება, უგზო-უკვლოდ დაკარგულ პირთა მემორიალის მიმდებარედ, 12:00 საათი) ქუთაისში (უგზო-უკვლოდ დაკარგულ პირთა სახელობის სკვერი, ავტომშენებლის გამზირი, გამგეობის მიმდებარე ტერიტორია, 12:00 საათი), ბათუმში (პუშკინისა და ლორიას ქუჩების კვეთა, უგზო-უკვლოდ დაკარგულ პირთა მემორიალის მიმდებარედ, 11:00 საათი), გორში ( ვერხვების დევნილთა დასახლება, წმ. ნინოს სახელობის ეკლესიის მიმდებარე სკვერი, 11:30 საათი).