საფრანგეთის ეკონომიკის და ფინანსთა მინისტრი - ურთიერთობების გასაძლიერებლად საქართველოში ვიზიტს მოუთმენლად ველოდები

მოუთმენლად ველოდები საქართველოში ვიზიტს ურთიერთობების გასაძლიერებლად, - ამის შესახებ საფრანგეთის ეკონომიკის და ფინანსთა მინისტრმა ბრუნო ლე მერიმ, პარიზში, საქართველოს პრეზიდენტთან სალომე ზურაბიშვილთან შეხვედრის შემდეგ განაცხადა.

პრეზიდენტი ადმინისტრაციის ცნობით, მხარეებმა საქართველოსა და საფრანგეთს შორის არსებული ეკონომიკური და სავაჭრო ურთიერთობები განიხილეს. საუბარი შეეხო ბიზნეს-კავშირების გაძლიერებას და ინვესტიციების წახალისებას.

შეხვედრისას აღინიშნა, რომ ძალიან მნიშვნელოვანია მეტი ფრანგული ინვესტიცია განხორციელდეს და მეტი ფრანგი ტურისტი ეწვიოს საქართველოს. როგორც ბრუნო ლე მერმა განაცხადა, ის საქართველოში პირველ ვიზიტს მოუთმენლად ელოდება.

„მქონდა პატივი მემასპინძლა საქართველოს პრეზიდენტის სალომე ზურაბიშვილისთვის, რომელიც ძალიან კარგი მეგობარია. ჩვენ ბევრი ვისაუბრეთ საქართველოს ეკონომიკურ განვითარებაზე. მე გადავეცი პრეზიდენტს, რომ საფრანგეთი მზადაა მეტი ინვეტიცია განახორციელოს საქართველოში. ვფიქრობ, რომ უნდა გავაძლიეროთ ეკონომიკური თანამშრომლობა. ჩვენ გვაქვს ბევრი პროექტი მაგალითად ტურიზმში. ვფიქრობ, რომ მხოლოდ ტურიზმზე არ უნდა გავაკეთოთ აქცენტი, მიუხედავად იმისა, რომ ეს მნიშვნელოვანია საქართველოსთვის. ჩვენ უნდა ვიმუშაოთ ტრანსპორტის მიმართულებით, ქალაქის განვითარებაზე, გარემოზე. მე ვფიქრობ, რომ ორ ქვეყანას შორის არის სივრცე ურთიერთობების გასაღრმავებლად. ჩვენ გვქონდა ძალიან კოსნტრუქციული და საინტერესო საუბარი. მოუთმენლად ველოდები საქართველოში ვიზიტს ურთიერთობების გასაძლიერებლად“,- განაცხადა საფრანგეთის ეკონომიკის მინისტრმა.

ნანა ჩაჩუა - არჩევნების წინ არსებულ ვითარებას შევაფასებდი როგორც სიურრეალიზმს, თანაც ისეთს, როგორსაც სალვადორ დალიც კი ვერ წარმოიდგენდა
ქართული პრესის მიმოხილვა 26.10.2020
ილჰამ ალიევი იაპონურ გაზეთ Nikkei-სთან ინტერვიუში - ომის შემდეგ სომხეთს შეუძლია, აზერბაიჯანისა და თურქეთის პარტნიორი გახდეს
გოჩა თევდორაძე - სიღარიბის და უმუშევრობის დაძლევისთვის ჩვენს მოსახლეობას საოჯახო ბიზნესს შევუქმნით (R)
მერაბ ჭიქაშვილი - "პატრიოტთა ალიანსი" ერთადერთი პარტიაა, რომელსაც კანონის აღსრულება შეუძლია!" (R)
საქართველოში პირველად ჰიბრიდული B2B ფორუმი ჩატარდა