დავით ზალკალიანმა გერმანიის ბუნდესტაგის წევრს საქართველოს ოკუპირებულ ტერიტორიებზე არსებულ ვითარებაზე ინფორმაცია მიაწოდა

საქართველოს საგარეო საქმეთა მინისტრი დავით ზალკალიანი გერმანიის ფედერაციული რესპუბლიკის ბუნდესტაგის წევრს, სოციალ-დემოკრატიული პარტიის საპარლამენტო ფრაქციის პირველ მდივანს კარსტენ შნაიდერს შეხვდა. ინფორმაციას საგარეო უწყება ავრცელებს.

შეხვედრის ფარგლებში, მხარეები მიესალმნენ ორ ქვეყანას შორის არსებულ მჭიდრო თანამშრომლობას და ხაზი გაუსვეს მაღალი დონის ვიზიტების დინამიკას, რაც დადებით იმპულსს სძენს ორმხრივ ურთიერთობებს.

დავით ზალკალიანმა ბუნდესტაგის წევრს მადლობა გადაუხადა საქართველოს სუვერენიტეტისა და ტერიტორიული მთლიანობის, ევროპული და ევროატლანტიკური ინტეგრაციის მხარდაჭერისთვის, განსაკუთრებული ყურადღება გაამახვილა გერმანიის როლზე, ქვეყნის დემოკრატიული ტრანსფორმაციის პროცესში.

მინისტრმა გერმანულ მხარეს მიაწოდა ამომწურავი ინფორმაცია საქართველოს ოკუპირებულ ტერიტორიებზე არსებულ ვითარებასა და ადამიანის უფლებების უხეშ დარღვევებთან დაკავშირებით, ყურადღება გაამახვილა ჟენევის საერთაშორისო მოლაპარაკებების მიმდინარეობასა და მთავრობის სამშვიდობო პოლიტიკაზე. დავით ზალკალიანმა ხაზი გაუსვა პარტნიორების კონსოლიდირებული პოზიციის მნიშვნელობას საერთაშორისო დღის წესრიგში საკითხის აქტუალურობის შენარჩუნების კუთხით. ბუნდესტაგის წევრმა დააფიქსირა გერმანული მხარის მტკიცე მხარდაჭერა საქართველოს სუვერენიტეტისა და ტერიტორიული მთლიანობის მიმართ, ამ მხრივ კიდევ ერთხელ აღინიშნა გერმანიის საგარეო საქმეთა სამინისტროს განცხადება აფხაზეთის ოკუპირებულ რეგიონში ჩატარებულ ე.წ. საპრეზიდენტო არჩევნებთან დაკავშირებით.

შეხვედრაზე მხარეებმა ასევე ისაუბრეს საქართველო-ევროკავშირის დღის წესრიგზე, ევროკავშირთან ინტეგრაციის საგზაო რუკასა და საქართველოს ევროპული ინტეგრაციის დღის წესრიგზე. ხაზი გაესვა ქვეყნის თვალშისაცემ პროგრესს ევროკავშირთან დაახლოების კუთხით.

მხარეებმა, ასევე მიმოიხილეს რეგიონში არსებული ვითარება და უსაფრთხოების გამოწვევები.

ხათუნა ბურკაძე - გლობალური გამოწვევები გლობალურ ძალისხმევას მოითხოვს, თუმცა, სახელმწიფოებმა უფრო მეტი წინდახედულება უნდა გამოიჩინონ საკუთარი რესურსების  შესაქმნელად
ქართული პრესის მიმოხილვა 30.03.2020
ვალერი სოლოვეი - თუ დაავადებულთა აბსოლუტურ ციფრებს გავითვალისწინებთ, რუსეთი ევროპაში იტალიისა და ესპანეთის შემდეგ მესამე ადგილზეა
BTU-ს ახალი ამერიკული პარტნიორი StrategEast ქვეყანაში ტექნოლოგიური ჰაბის განვითარების პროცესში ერთვება
სილქნეტის მობილური აბონენტები საქართველოს ბანკის მობილბანკით სარგებლობას ინტერნეტის გახარჯვის გარეშე შეძლებენ
კომპანია “გრინჰილი“ უერთდება COVID-19-ის წინააღმდეგ ბრძოლის კამპანიას და ამ მიზნით სახელმწიფო ფონდში 100,000 ლარი ჩარიცხა
უკონკურენტო საბანკო მოდელი "პროკრედიტ ბანკისგან", ვიდეო იდენტიფიკაცია, ფილიალის ალტერნატივად
კომპანია „თბილღვინომ“ StopCov ფონდში 50 000 ლარი გადარიცხა
31 მარტიდან Wolt-ით შეკვეთის განთავსება 09:00-19:30 საათებში იქნება შესაძლებელი