მამუკა ბახტაძე შვედეთის სამეფოს პარლამენტის თავმჯდომარეს შეხვდა

საქართველოს პრემიერ-მინისტრი მამუკა ბახტაძე შვედეთის სამეფოს პარლამენტის თავმჯდომარე, ანდრეას ნორლენს შეხვდა. ინფორმაციას პრემიერის პრესცენტრი ავრცელებს.

საუბარი ორ ქვეყანას შორის ურთიერთობებს შეეხო. აღინიშნა, რომ შვედეთი საქართველოს ერთ-ერთი ძლიერი ფინანსური მხარდამჭერია, რისთვისაც მთავრობის მეთაურმა ანდრეას ნორლენს მადლობა გადაუხადა.

„ყურადღება დაეთმო საქართველოს ოკუპირებულ ტერიტორიებზე არსებულ ვითარებას, ჰუმანიტარული კუთხით არსებულ გამოწვევებს, განიხილეს ოკუპირებულ ტერიტორიებზე ადამიანების გატაცების კონკრეტული ფაქტები. პრემიერ-მინისტრმა შვედეთის სამეფოს პარლამენტის თავმჯდომარეს გააცნო მთავრობის სამშვიდობო ინიციატივა „ნაბიჯი უკეთესი მომავლისკენ“.

შეხვედრაზე ასევე, ისაუბრეს საქართველოს ევროატლანტიკურ სტრუქტურებში ინტეგრაციასთან დაკავშირებით. ხაზი გაესვა, რომ ევროპასთან ინტეგრაცია ქართველი ხალხის ცივილიზაციურ არჩევანს წარმოადგენს და ეს არა მხოლოდ საქართველოს მთავრობის, არამედ ქართული საზოგადოების პოზიციაა.

ამასთან, ისაუბრეს საქართველოს ნატო-ში ინტეგრაციის პერსპექტივებზე. ხაზი გაესვა საქართველოს მნიშვნელოვან კონტრიბუციას საერთაშორისო სამშვიდობო მისიებში.

განიხილეს ევროკავშირთან ასოცირების შეთანხმება და მისი პოზიტიური როლი, ასევე აღმოსავლეთ პარტნიორობის ინიციატივა და შვედეთის, როგორც „აღმოსავლეთ პარტნიორობის“ ინიციატივის თანაავტორის განსაკუთრებული როლი საქართველოს ევროინტეგრაციის პროცესში“, - ნათქვამია პრემიერის პრესსამსახურის მიერ გავრცელებულ ინფორმაციაში.

პრემიერ-მინისტრმა ანდრეას ნორლენს "აღმოსავლეთ პარტნიორობის" 10 წლის იუბილისადმი მიძღვნილ კონფერენციაში მაღალი რანგის დელეგაციით მონაწილეობისთვის მადლობა გადაუხადა.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
აკადემიკოსი გიორგი ჯაფარიძე - ქვეყანა რომ წარმოდგენილი იყოს მსოფლიოს სამეცნიერო რუკაზე, აუცილებელია მასში მცხოვრები მეცნიერები თავისი საქმიანობით მონაწილეობდნენ საერთაშორისო სამეცნიერო პროცესში
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს