ლაშა დარსალია - ინციდენტების პრევენციისა და მათზე რეაგირების მექანიზმის კითხვის ნიშნის ქვეშ დაყენება და ამ შეხვედრების ჩაშლით დამუქრება, მიუღებელია

ინციდენტების პრევენციისა და მათზე რეაგირების მექანიზმის კითხვის ნიშნის ქვეშ დაყენება, ნებისმიერი დამუქრება ამ შეხვედრების ჩაშლით არის მიუღებელი ნაბიჯი, - ამის შესახებ საგარეო საქმეთა მინისტრის მოადგილემ ლაშა დარსალიამ საქართველოში აკრედიტირებულ დიპლომატიურ კორპუსთან შეხვედრის დასრულების შემდეგ განაცხადა.

მინისტრის მოადგილემ დიპლომატიურ კორპუსს ხაშურის მუნიციპალიტეტში, გამყოფ ხაზთან მდებარე სოფელ ჩორჩანას მიმდებარე ტერიტორიაზე არსებული ვითარების, ასევე ერგნეთში ინციდენტების პრევენციისა და მათზე რეაგირების მექანიზმის ფარგლებში მორიგი შეხვედრის შესახებ მიაწოდა ინფორმაცია.

„ჩვენ ვთხოვეთ დიპლომატიური კორპუსის წარმომადგენლებს, დაუყონებლივ მოახდინონ თავიანთი მთავრობების ინფორმირება, რათა მოხდეს შესაბამისი რეაგირება და შესაბამისი კომუნიკაცია რუსეთის ფედერაციის წარმომადგენლებთან, იმისათვის, რომ მოხდეს ვითარების დეესკალაცია, არ მოხდეს შემდგომი პროვოკაციების გაგრძელება, რაც ვფიქრობთ, ყველა მხარისთვის მნიშვნელოვანია", - განაცხადა ლაშა დარსალიამ.

მისივე განმარტებით, ინციდენტების პრევენციისა და მათზე რეაგირების მექანიზმის ფარგლებში შეხვედრის ჩაშლა მიუღებელია.

„ეს ძალიან მნიშვნელოვანი მექანიზმია. ნებისმიერი დამუქრება ამ შეხვედრების ჩაშლით არის მიუღებელი ნაბიჯი. იმედი გვაქვს და სწორედ ამ კუთხით ვმუშაობთ საერთაშორისო საზოგადოებასთან და დიპლომატიურ კორპუსთან, რათა ეს მნიშვნელოვანი მექანიზმი და მექანიზმის ფარგლებში შესაბამისი ინციდენტების განხილვა გაგრძელდეს“, - განაცხადა ლაშა დარსალიამ.

საგარეო საქმეთა მინისტრის მოადგილის, ლაშა დარსალიას შეხვედრა საქართველოში აკრედიტირებულ დიპლომატიურ კორპუსთან სამინისტროს ინიციატივით გაიმართა.

რამაზ საყვარელიძე - ოპოზიციიდან ბევრი შეეცდება სააკაშვილისგან გამიჯვნას და ლიდერის როლის მორგებას, მეეჭვება ეს წარმატებული მცდელობა იყოს, ამ ოპოზიციისთვის რთული იქნება სააკაშვილის დამარცხება
ქართული პრესის მიმოხილვა 07.05.2021
ალექსანდრე თვალჭრელიძე - მეჩვენება, რომ სააკაშვილი „ნაცმოძრაობის“ ტანზე მიბმული ლოდია, რომელიც მას ფსკერისკენ მიაქანებს
სინერჯი ჯგუფი კერძო კაპიტალის ოპერაციებში მონაწილეობისთვის (LBO) იურიდიულ პირებს იწვევს