არჩილ თალაკვაძე გერმანიის სოციალ-დემოკრატიული პარტიის საპარლამენტო ფრაქციის პირველ მდივანს შეხვდა

საქართველოს პარლამენტის თავმჯდომარე არჩილ თალაკვაძე გერმანიის ფედერაციული რესპუბლიკის ბუნდესტაგის წევრს, გერმანიის სოციალ-დემოკრატიული პარტიის საპარლამენტო ფრაქციის პირველ მდივან კარსტენ შნაიდერს შეხვდა. შეხვედრაზე საუბარი საპარლამენტთაშორისო თანამშრომლობის განმტკიცებას და სამომავლო გეგმებს შეეხო.

როგორც „ინტერპრესნიუსს“ პარლამენტიდან აცნობეს, შეხვედრაზე ასევე, ისაუბრეს ქვეყანაში მიმდინარე დემოკრატიულ რეფორმებზე. ამ კონტექსტში, ხაზი გაესვა საკონსტიტუციო, საარჩევნო და მართლმსაჯულების რეფორმებსა და მათ განხორციელებაში საზოგადოების ფართო ჩართულობას.

მათივე ინფორმაციით, არჩილ თალაკვაძემ და კარსტენ შნაიდერმა საქართველოს ევროპულ და ევროატლანტიკურ სტრუქტურებში ინტეგრაციის პროცესი მიმოიხილეს. საუბარი ასევე, ჩვენი ქვეყნის ოკუპირებულ ტერიტორიებზე შექმნილ მძიმე მდგომარეობასა და მისგან მომდინარე საფრთხეებს შეეხო.

გერმანიის ფედერაციული რესპუბლიკის ბუნდესტაგის წევრმა საქართველოს პარლამენტის თავმჯდომარეს ჩვენი ქვეყნის სუვერენიტეტისა და ტერიტორიული მთლიანობის, ასევე, დასავლური მისწრაფებების მხარდაჭერა დაუდასტურა.

დავით იაკობიძე - მთავარია, კარგად ვიცოდეთ, რა გვინდა სოფლის მეურნეობასა და ეკონომიკაში და ვიცოდეთ, ვის შევთავაზოთ პარტნიორობა
ქართული პრესის მიმოხილვა 06.04.2020
ვაჟა ბერიძე - მთავრობა სწრაფად და ეფექტიანად რეაგირებს გამოწვევებზე, ეს სადღეისოდ საკმარისია, მაგრამ ტაში და ვაშა ჯერჯერობით ნაადრევია