სოფო კილაძე - კომიტეტის კარი ღიაა სამოქალაქო აქტივისტებისთვის, თუმცა აქ იყო ელენე ხოშტარიას თანაშემწე და ამ ყველაფერს პოლიტიკური ელფერი დაჰკრავს

კომიტეტის კარი ღიაა სამოქალაქო აქტივისტებისთვის, თუმცა აქ იყო ელენე ხოშტარიას თანაშემწე და ამ ყველაფერს პოლიტიკური ელფერი ნამდვილად დაჰკრავს,- ასე ეხმაურება ადამიანის უფლებათა დაცვის კომიტეტის თავმჯდომარე სოფო კილაძე კომიტეტის სხდომაზე სამოქალაქო აქტივისტების მისვლას, მაისურზე წარწერებით, "სირცხვილია". დეპუტატის თქმით, მას ახსოვს 20 ივნისის მოვლენები და აღნიშნული საკითხი ბოლომდე უნდა გაირკვეს.

"20 ივნისის საკითხი საჭიროებს ბოლომდე მიყვანას და უნდა გაირკვეს ვინ გადაამეტა ძალას, მაგრამ ჩვენი კომიტეტის კარი ღიაა სამოქალაქო აქტივისტებისთვის, მათ თავისუფლად მიეცათ საკუთარი აზრის გამოხატვის უფლება, თუმცა აქ იყო ელენე ხოშტარიას თანაშემწე და ამ ყველაფერს პოლიტიკური ელფერი ნამდვილად დაჰკრავს",- განაცხადა კილაძემ.

შეგახსენებთ, რომ სამოქალაქო აქტივისტები კომიტეტის სხდომაზე მაისურებით - წარწერით “სირცხვილია“ და თვალზე აფარებული ლენტებით მივიდნენ. როგორც მათი მხრიდან ითქვა, ჯგუფური ძალადობის მუხლით “ქართულ ოცნებას“ არასდროს დაუკავებია და გაუსამართლებია “ქართული მარშის“ წევრები, როდესაც ისინი პოლიციელებზე ძალადობდნენ.

„72 დღეა საქართველოში არის სირცხვილი. 72 დღეა დუმხართ და კითხვებს არ სცემთ პასუხს. ქალბატონო სოფო, 72 დღეა თქვენ ხართ სირაქლემას პოზაში და ემალებით პრობლემას! გაფრთხილებთ, გეუბნებით წინასწარ და შეგიძლიათ მიიღოთ როგორც ანონსი, დღეიდან ყოველდღიურად იგრძნობთ, რომ თქვენი საქციელი, ის რაც მოხდა 20 ივნისს და რაც ხდება მას შემდეგ, არის სირცხვილი“, - მიმართა კამპანია “სირცხვილიას“ ერთ-ერთმა წარმომადგენელმა თამარ კაკაბაძემ სოფო კილაძეს.

კომიტეტის თავმჯდომარემ კაკაბაძის პასუხად აღნიშნა, რომ ის წარმოადგენს პოლიტიკურ გაერთიანებას და არის ელენე ხოშტარიას თანაშემწე.

ზაზა ფირალიშვილი - კრემლს ჩვენში ისეთი ძალის გამარჯვება აწყობს, ვინც კონფრონტაციული რიტორიკის ერთგული იქნება, ვერ შეძლებს ქვეყანში დიალოგისა და თანამშრომლობის ატმოსფეროს შექმნას
ქართული პრესის მიმოხილვა 29.10.2020
ანა დოლიძე - მჯერა, რომ უკეთესი საქართველოსთვის ბრძოლას  აქვს აზრი
„თეგეტა მოტორსი“ 25 წლის იუბილეს აღნიშნავს
სამსუნგის 8K რეზოლუციის ტელევიზორების ლაინაფით ახალ მწვერვალებს იპყრობს
მერაბ ჭიქაშვილი - როგორ შეიძლება კადრების ისე დადგმა, რომ მასში მონაწილეობა მაღალი თანამადებობის პირებს მიაღებინო? (R)
კახა ძაგანია - "ნაცმოძრაობის" მმართველობისას ყველაზე მეტი გარდაცვლილი პატიმარი იყო და ამაზე ყველა საერთაშორისო ორგანიზაცია წერდა (R)
გიორგი ლომია - "პატრიოტთა ალიანსი" ერთადერთი ძალაა, რომელიც სამართლიანობას აღადგენს (R)
ირმა ინაშვილი - ჩვენ არავის მივცემთ იმის უფლებას, რომ გამარჯვება წაგვართვან! (R)