პარლამენტს საშემოდგომო სესიაზე  ანტიდემპინგური საკანონმდებლო პაკეტი წარედგინება

ანტიდემპინგური საკანონმდებლო პაკეტი პარლამენტში ინიცირებისთვის მზად არის. “ვაჭრობაში ანტიდემპინგური ღონისძიების შემოღების შესახებ“ ასე ეწოდება პროექტს, რომელიც “კონკურენციის შესახებ“ კანონში ცვლილებთან ერთად, კანონმდებლებს საშემოდგომო სესიაზე წარედგინება. პროექტი 2 სექტემბრის ბიუროს სხდომაზე იქნება ინიცირებული

საკანონმდებლო პაკეტი ეკონომიკისა და მდგრადი განვითარების სამინისტრომ მოამზადა.

როგორც მთავრობა განმარტავს, ვაჭრობაში ანტიდემპინგური საკანონმდებლო ბაზის არარსებობის პირობებში, შესაძლებელია საქართველოს საბაჟო ტერიტორიაზე ადგილი ჰქონდეს უცხო ქვეყნებიდან პროდუქციის დემპინგური ფასებით იმპორტს. რიგ შემთხვევებში, დემპინგური იმპორტი ადგილობრივი წარმოების განვითარებას აფერხებს და დასაქმებულთა რაოდენობას ამცირებს.

ეკონომიკისა და მდგრადი განვითარების სამინისტროს განცხადებით, დემპინგის შედეგად იმპორტირებული პროდუქტის შეუსაბამოდ დაბალი ფასები ვნებს ადგილობრივ ინდუსტრიას, რომელიც ჩვეულებრივ, დემპინგით დაკავებული კომპანიისთვის კონკურენციის გაწევას ვეღარ ახერხებს.

“წარმოდგენილი კანონპროექტის მიღებით სახელმწიფო უზრუნველყოფს ადგილობრივი ინდუსტრიის დემპინგური იმპორტისგან მიყენებული ან შესაძლო ზიანის მიყენებისგან დაცვას“, - აღნიშნულია პროექტის განმარტებით ბარათში.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს