გერმანიის ქალაქ ესენში ღია ცის ქვეშ მიმდინარე კონცერტისას, სცენის გვერდით განთავსებული დიოდის დიდი ეკრანი ჩამოვარდა, რის გამოც 28 ადამიანი დაშავდა.
„დოიჩე ველეს“ ინფორმაციით, კონცერტს 18 ათასი ადამიანი ესწრებოდა. ორი ადამიანის მდგომარეობა მძიმეა. მთლიანობაში სამედიცინო დახმარება 150 ადამიანს დასჭირდა.
გამოძიება კრიმინალურმა პოლიციამ დაიწყო. მომხდარის მიზეზი უცნობია.