ზუსტად ვიცი, მთავრობის სახელით მოხსენებით პარლამენტში მამუკა ბახტაძე გამოვა და ის პარლამენტს, როგორც პრემიერ-მინისტრი, ანგარიშს წარუდგენს, - ამის შესახებ ჟურნალისტებს ფრაქცია „ქართული ოცნება - მწვანეების“ თავმჯდომარემ გია გაჩეჩილაძემ პარტია „ქართული ოცნების“ ოფისთან, უმრავლესობის სხდომის დაწყების წინ განუცხადა.
დეპუტატის თქმით, იწყება პარლამენტის საშემოდგომო სესია, სადაც უამრავი საკითხია განსახილველი და უმრავლესობის სხდომაზე სწორედ ამაზე იქნება საუბარი. მან ასევე აღნიშნა, რომ სამთავრობო ცვლილებები მოსალოდნელია, მაგრამ დღეს ამ საკითხთან დაკავშირებით განცხადებას არ ელოდება.
„ვიცი, რომ მთავრობის სახელით მოხსენებით პარლამენტში მამუკა ბახტაძე გამოვა და პარლამენტს, როგორც პრემიერ-მინისტრი, ის წარუდგენს ანგარიშს. ეს ვიცი ზუსტად“, - განაცხადა გია გაჩეჩილაძემ.