ამ ეტაპზე მე არაფერს დავადასტურებ, მხოლოდ იმას გიდასტურებთ, რომ სამთავრობო ცვლილებებზე საუბარი იყო, - ამის შესახებ უმრავლესობის წევრმა გიორგი კახიანმა ჟურნალისტებთან უმრავლესობის სხდომის დასრულების შემდეგ განაცხადა.

კახიანის თქმით, აღნიშნულზე ინფორმაციას საზოგადოება ხვალ დილიდან მიიღებს.

„რაც შეეხება სამთავრობო ცვლილებებს, დიახ, დღეს იყო ამაზე საუბარი, სხვადასხვა მოსაზრებები მოვისმინეთ მეტი დეტალი ხვალ გახდება საზოგადოებისთვის ცნობილი",-აცხადებს კახიანი.

უმრავლესობის სხდომა „ქართული ოცნების"ოფისში დაახლოებით ერთი საათის განმავლობაში მიმდინარეობდა. სხდომას პარტიის თავმჯდომარე ბიძინა ივანიშვილი უძღვებოდა და მას პარტიის თანამდებობის პირები, უმრავლესობის წევრები, პრემიერ-მინისტრი მამუკა ბახტაძე და მინისტრთა კაბინეტის წევრები ესწრებოდნენ.