ქეთევან ციხელაშვილი - აუცილებლად შევძლებთ დავამარცხოთ ოკუპაცია და მისი მახინჯი გამოვლინება - მავთულხლართები

შერიგებისა და სამოქალაქო თანასწორობის საკითხებში საქართველოს სახელმწიფო მინისტრი ქეთევან ციხელაშვილი, გორის მუნიციპალიტეტის სოფელ ნიქოზში, ანიმაციური ფილმების საერთაშორისო ფესტივალის „ნიქოზი“ გახსნაზე მისასალმებელი სიტყვით წარსდგა.

შერიგებისა და სამოქალაქო თანასწორობის საკითხებში საქართველოს სახელმწიფო მინისტრი აპარატის ინფორმაციით, აღნიშნული ღონისძიება წელს მეცხრედ იმართება. მასში მონაწილეობის მისაღებად ნიქოზს სტუმრები არაერთი ქვეყნიდან ეწვივნენ. ერთკვირიანი ფესტივალი მოიცავს ფილმების ჩვენებას, კლასიკური მუსიკისა და ფოლკლორულ კონცერტებს, გამოფენებს და ა.შ.

სახლმწიფო მინისტრმა ფესტივალის მნიშვნელობაზე ისაუბრა და განაცხადა, რომ იგი უნიკალური მოვლენაა, რადგან ტარდება სოფელში, რომელიც მავთულხლართებით გაყოფილია და სადაც 11 წლის წინ ჭურვები ცვიოდა.

„ეს ადგილი მეუფე ისაიამ და მისმა თანასოფლელებმა საკუთარი ხელებით აღადგინეს. ეს არის სიმბოლო ჩვენი გაუტეხლობის, რწმენის - რომ აუცილებლად შევძლებთ დავამარცხოთ ოკუპაცია და მისი მახინჯი გამოვლინება-მავთულხლართები. ეს საუკეთესო პასუხია, რადგან ესაა ხელოვნების, სიყვარულის ენა, უნივერსალური ენა, რომელიც აუცილებლად შეძლებს ხელი შეუწყოს ნდობის ხიდების მშენებლობას გამყოფი ხაზების იქით მხარეს, სადაც ადამიანები ძალიან დიდი წნეხის ქვეშ ცხოვრობენ. დარწმუნებული ვარ, იქაურ პატარებს არანაკლებ აინტერესებთ და უნდათ ჰქონდეთ შესაძლებლობა თუნდაც ანიმაციური ფილმების ფესტივალში მიიღონ მონაწილელობა, იარონ ხელოვნების სკოლაში, რომელიც აქ მეუფემ გააკეთა და არ იყვნენ იმ მდგომარეობაში, რომელსაც ოკუპაცია ქმნის - მათ მომავლის პერსპექტივას ართმევს.

მთელი ჩვენი პოლიტიკა გათვლილია იმაზე, რომ ჩართულობის, შერიგების გზით და ძალიან პრაგმატული მექანიზმებით ხელი შევუწყოთ ჩვენ თანამოქალაქეებს ცხინვალისა და აფხაზეთის რეგიონებში, გავუზიაროთ სხვადასხვა შესაძლებლობა, რომლებიც ცენტრალური ხელისუფლების მიერ კონტროლირებად ტერიტორიაზეა. ერთად შევქმნათ ის მომავალი, რომლისკენაც, დარწმუნებული ვარ, სწრაფვა გვაერთიანებს - უკეთესი მომავალი და არა ხელოვნური მავთულხლართებით დაჩეხილი, რომელსაც, საუბედუროდ, დღეს რუსული ოკუპაცია ქმნის. დარწმუნებული ვარ, ასეთი პასუხით, ასეთი თავდადებითა და სიყვარულით ჩვენს მიზნებს აუცილებლად მივაღწევთ,“- განაცხადა ქეთევან ციხელაშვილმა.

ღონისძიებას აგრეთვე ესწრებოდნენ სახელმწიფო მინისტრის მოადგილე ლია გიგაური, შიდა ქართლში სახელმწიფო რწმუნებული-გუბერნატორი გიორგი ხოჯევანიშვილი, გორის მერი კონსტანტინე თავზარაშვილი, დიპლომატიური კორპუსის წარმომადგენლები და ა.შ. ფესტივალი 6 სექტემბერს დასრულდება.

რამაზ საყვარელიძე - იმ სოციოლოგიური კვლევების ფონზე, რაც მრავლად ტარდება, გაუგებარია, საიდან გაუჩნდა ოპოზიციას არჩევნებში გამარჯვების და მთავრობის შექმნის იმედი
ქართული პრესის მიმოხილვა 19.10.2020
ეუთოს სადამკვირვებლო მისიის ხელმძღვანელი ჯილიან სტირკი - ყველას შევახსენებდი, რომ საქმე პოლიტიკური პროცესის მთლიანობას ეხება, სწორედ ეს დევს სასწორზე
ევექსი კლინიკები მომხმარებლების უსაფრთხოებისთვის COVID 19-ის PCR ტესტირების პროცესს ცვლის
ირმა ინაშვილი - "ქართული ოცნება" კოვიდ ეპიდემიის თემას ოსტატურად იყენებს და თავის ნაცვლად ექიმებს ალაპარაკებს!" (R)
სოსო შატბერაშვილი - "თუ გსურთ შერიგება ოსებთან და აფხაზებთან - მხარი "პატრიოტთა ალიანსს" დაუჭირეთ!" (R)
გურამ ნიკოლაიშვილი: ვეტერანთა უფლებებს მხოლოდ "პატრიოტთა ალიანსი"დაიცავს! (R)