გერმანიის ორ მხარეში ულტრამემარჯვენე პარტია „ალტერნატივა გერმანიისათვის“ მეორე ადგილზე გავიდა

ულტრამემარჯვენე პარტიამ „ალტერნატივა გერმანიისთვის“ გერმანიის აღმოსავლეთის ორ მხარეში, ბრანდენბურგში და საქსონიაში ადგილობრივ არჩევნებზე პოზიციები გაიუმჯობესა და მეორე ადგილზე გავიდა.

საქსონიაში პირველ ადგილზეა მმართველი „ქრისტიანულ-დემოკრატიული კავშირი“ 32,1%-ით, რომლის პოზიციებიც წინა არჩევნებთან შედარებით 7,3%-ით გაუარესდა. „ალტერნატივამ გერმანიისთვის“ 27,5% მიიღო. მესამე ადგილზეა პარტია „მემარცხენეები“ (გერმანიის დემოკრატიული რესპუბლიკის ყოფილი კომუნისტური პარტია) – 10,4.

ბრანდენბურგის მხარეში, პირველ ადგილზე სოციალურ-დემოკრატიული პარტია 26,2%(-5,7%) გავიდა. ეს პარტია ამ მხარეს უწყვეტად მართავს გერმანიის გაერთიანების შემდეგ. მეორე ადგილზეა „ალტერნატივა გერმანიისთვის“ 23,5%-ით, მესამეზე „ქრისტიანულ-დემოკრატიული კავშირი“ 15,6%-ით.

„მწვანეები“ ვერც ერთ მხარეში სამეულში ვერ შევიდნენ, თუმცა ორივეგან გაიუმჯობესეს პოზიციები 8,6 საქსონიაში და 10,8 ბრანდენბურგში.

კოალიციების შექმნა ორივეგან რთული იქნება, რადგან წამყვანი პარტიები - „ქრისტიანულ-დემოკრატიული კავშირი“ და „სოციალ-დემოკრატიული პარტია“ (რომლებიც ფედერალურ დონეზე კოალიციაში არიან) ულტრამემარჯვენეებთან გაერთიანებას გამორიცხავენ. ამ ორ პარტიას კი კოალიციისთვის ხმები არ ჰყოფნით და წვრილ პარტიებთან მოლაპარაკებები დასჭირდებათ.

ამ ინფორმაციას „დოიჩე ველე“ ავრცელებს.

პაატა ზაქარეიშვილი - რუსეთი ცხინვალის რეგიონში აქტიურობით ცდილობს აიძულოს საქართველო რაღაც ფორმით გადავიდეს მოსკოვთან დიალოგის ფორმატზე
ქართული პრესის მიმოხილვა 13.09.2019
მეთიუ ბრაიზა - დიდი პრობლემაა, რომ დონალდ ტრამპი ხშირად არც კი უსმენს მის მთავარ მრჩევლებს, რომლებიც ამბობენ - „ყურადღება მიაქციეთ საქართველოს“
დენიელ ფრიდი - ამერიკა არც „პროსააკაშვილურია“ და არც „პროივანიშვილური“, ჩვენ საქართველოს მხარეს ვართ
ტექნიკის უდიდესი გამოფენა ევროპაში, სახელწოდებით IFA 2019, ბერლინში დასრულდა
პუტინს ცემახი უსათუოდ სჭირდება (R)
ვანო ჩხარტიშვილი - მამუკა ხაზარაძე ურცხვად ტყუის
სუპერმარკეტების ქსელი „მაგნიტი“ გრანდიოზულ წამახალისებელ გათამაშებას იწყებს
გალფი ტურისტული ზონების დასუფთავების მასშტაბურ აქციას იწყებს
გალფი ტურისტული ზონების დასუფთავების მასშტაბურ აქციას იწყებს