ზაალ უდუმაშვილი - ვითხოვთ, პრეზიდენტმა იმ პირების ვინაობა დაასახელოს, ვინც პოლიციელის მკვლელობაში მსჯავრდებული პატიმრის შეწყალების უკან დგას

„ნაციონალური მოძრაობა“ მოითხოვს, პრეზიდენტმა სალომე ზურაბიშვილმა მათი ვინაობა დაასახელოს, „ვინც პოლიციელის მკვლელობაში მსჯავრდებული პატიმრის შეწყალების უკან დგას".

როგორც „ნაციონალური მოძრაობის“ წევრმა ზაალ უდუმაშვილმა პრეზიდენტის სასახლესთან მიმდინარე საპროტესტო აქციაზე ჟურნალისტებს განუცხადა, მათი მოთხოვნაა, ზურაბიშვილმა გააკეთოს განმარტებები, რა მიზეზით შეიწყალა პოლიციელის მკვლელობაში მსჯავრდებული პირი.

ამასთან, მისი თქმით, აქციაზე შეკრებილი საზოგადოება პრეზიდენტის რეზიდენციის პიკეტირებას და ძალადობას არ აპირებს.

„რატომ შეიწყალა პრეზიდენტმა პოლიციელის მკვლელობაში მსჯავრდებული ადამიანი?! ეს ხომ მას საკუთარი ინიციატივით არ გაუკეთებია. ჩვენ ვითხოვთ იმ პიროვნების ან პიროვნებების გვარების დასახელებას, ვინც ამ შეწყალების უკან დგას. ეს არ არის მხოლოდ თარაშ მუკბანიანის( მოკლული პოლიციელის) ხსოვნის შეურაცხყოფა, ეს არის იმ პოლიციელთა შეურაცხყოფა, რომლებიც დღეს აქ დგანან და პატიოსნად ემსახურებიან მთელ ქვეყანას", - განაცხადა უდუმაშვილმა.

პრეზიდენტის რეზიდენციასთან ახალგაზრდების ნაწილი და "ნაციონალური მოძრაობა" საპროტესტო აქციას მართავს. მათი პროტესტის მიზეზი სალომე ზურაბიშვილის მიერ 28 აგვისტოს შეწყალებული ერთ-ერთი პატიმარია, რომელსაც პოლიციელის მკვლელობისთვის 12 წელის ჰქონდა მისჯილი.

მათ უჭირავთ ბანერები წარწერით „სირცხვილია", „უპასუხისმგებლო პრეზიდენტი", „ვინ დაგავალა შეწყალება?!". ადგილზე მობილიზებულია პოლიცია.

ნანა ჩაჩუა - არჩევნების წინ არსებულ ვითარებას შევაფასებდი როგორც სიურრეალიზმს, თანაც ისეთს, როგორსაც სალვადორ დალიც კი ვერ წარმოიდგენდა
ქართული პრესის მიმოხილვა 22.10.2020
ილჰამ ალიევი იაპონურ გაზეთ Nikkei-სთან ინტერვიუში - ომის შემდეგ სომხეთს შეუძლია, აზერბაიჯანისა და თურქეთის პარტნიორი გახდეს
პარტია “ალეკო ელისაშვილი - მოქალაქეების” ერთ-ერთი ლიდერი ქეთი თურაზაშვილი - აუცილებელია განათლების სისტემის რეფორმა და “კომაროვის” მოდელი
დავით თარხან-მოურავი - ვინც კოდორი და ახალგორი ჩააბარა, ის გვაცხადებს რუსეთის აგენტად - ამაზე დაფიქრდით (R)
დავით თარხან-მოურავი - მოსახლეობის უმეტესობა ირჩევს "საქართველოს პატრიოტთა ალიანსს (R)
„ბადაგონმა“ თანამშრომლების უსაფრთხოებისთვის PCR ტესტირება დაიწყო
გიორგი ლომია - "ოცნება" და "ნაცმოძრაობა" იმდენად შეერწყნენ ერთმანეთს, რომ დღეს უკვე ერთნი არიან" (R)
პაატა ჯიბლაძე - "პატრიოტთა ალიანსი" ერთადერთი ძალაა, რომელიც ყოველთვის ქვეყნის ინტერესებიდან გამომდინარე მოქმედებს (R)
ნანა დევდარიანი - "პატრიოტთა ალიანსი" უსწრებს "ქართულ ოცნებას" (R)