„თავისუფალი საქართველო“ - განათლების სამინისტრომ ეროვნული გამოცდების მეთოდოლოგიას უნდა გადახედოს

განათლების სამინისტრომ ეროვნული გამოცდების მეთოდოლოგიას უნდა გადახედოს, - ამის შესახებ „თავისუფალი საქართველოს მიერ გავრცელებულ განცხადებაშია აღნიშნული.

როგორც მათ მიერ გავრცელებულ განცხადებაშია აღნიშნული, ეროვნული გამოცდების მეთოდოლოგიასთან დაკავშირებით, ბოლო პერიოდში, შენიშვნები კეთდება როგორც აბიტურიენტების, ისე პედაგოგების მხრიდან.

„ბოლო პერიოდში ბევრი კრიტიკული შენიშვნა კეთდება ეროვნული გამოცდების ჩატარების მეთოდოლოგიასთან დაკავშირებით, როგორც აბიტურიენტების, ისე პედაგოგების მხრიდან. განსაკუთრებული უკმაყოფილების საგანია ე.წ. უნარების ტესტი, რომლის შედგენის მეთოდოლგია ხშირად იწვევს გაურკვევლობას და არანაირად არ ასახავს აბიტურიენტის ცოდნას ობიექტურად. წლევანდელ გამოცდებზე დაფიქსირდა არაერთი შემთხვევა, როდესაც სპეციალურ საგნებში აბიტურიენტმა აჩვენა მაღალი შედეგი, თუმცა უნარების ძალიან სადავო ტესტზე გაცემული პასუხის შედეგად, დარჩა უმაღლესი სასწავლებლის მიღმა.

იმავდროულად, ახალგაზრდების უკმაყოფილებას იწვევს ის გარემოებაც, რომ გამოცდების შემდეგ, განათლების სამინისტროს მიერ ხდება აბიტურიენტთა გარკვეული კატეგორიისთვის (რომელთაც სპეციალურ საგნებში დაბალი შედეგი აჩვენეს) განსაკუთრებული შეღავათების დაწესება (ე.წ. „ქულების მომატება“), რაც ძალიან არასამართლიანია სტუდენტთა იმ კატეგორიის მიმართ, რომელთაც მაღალი ქულები მიიღეს სპეციალურ საგნებში და მინიმალური ქულა (ზოგიერთ შემთხვევაში 0,2) დააკლდათ უნარებში.

მივმართავთ განათლების სამინისტროს, კანონის ფარგლებში განიხილოს აბიტურიენტების შუამდგომლობა, რათა მოხდეს შეღავათების დაწესება სტუდენტების ყველა კატეგორიისთვის თანასწორად და არადისკრიმინაციულად, მ.შ. იმ კატეგორიისთვის, რომელთაც დააკლდათ ქულები უნარების ტესტში“, - აღნიშნულია „თავისუფალი საქართველოს“ მიერ გავრცელებულ ინფორმაციაში.

დავით იაკობიძე - მთავარია, კარგად ვიცოდეთ, რა გვინდა სოფლის მეურნეობასა და ეკონომიკაში და ვიცოდეთ, ვის შევთავაზოთ პარტნიორობა
მინდია დავითაძე - აუცილებელია საქპატენტის უწყვეტ რეჟიმში ფუნქციონირება, რათა ბიზნესს შექმნილ ვითარებაში პრობლემა არ შეექმნას
ქართული პრესის მიმოხილვა 06.04.2020
ვაჟა ბერიძე - მთავრობა სწრაფად და ეფექტიანად რეაგირებს გამოწვევებზე, ეს სადღეისოდ საკმარისია, მაგრამ ტაში და ვაშა ჯერჯერობით ნაადრევია
Yandex.Taxi საქართველოში კორონავირუსისგან დაზარალებული მძღოლებისთვის ფინანსური მხარდაჭერის ფონდს აფუძნებს
„დანკინმა“ ინფექციურის  და პირველი საუნივერსიტეტო კლინიკის მედიკოსებს საუზმე მიართვა