ჯერ არ გვიმსჯელია, ვინ იქნება მომდევნო პრემიერ-მინისტრი, - ამის შესახებ ადამიანის უფლებათა დაცვის კომიტეტის თავმჯდომარემ სოფო კილაძემ ჟურნალისტებს განუცხადა.

სოფო კილაძის თქმით, პრემიერ-მინისტრმა მამუკა ბახტაძემ გადაწყვეტილება თანამდებობის დატოვების შესახებ ახლახანს გააჟღერა და შესაბამისად, ახალი პრემიერის კანდიდატურა მოგვიანებით გახდება ცნობილი.

„თუ ვინ იქნება პრემიერ-მინისტრი, ამას ცოტა მოგვიანებით მოგახსენებთ, მას შემდეგ, რაც იქნება გუნდის გადაწყვეტილება. ჩვენ ჯერ არ გვიმსჯელია, ვინ იქნება მომდევნო პრემიერ-მინისტრი“, - აცხადებს კილაძე.

შეგახსენებთ, რომ მამუკა ბახტაძემ პრემიერ-მინისტრის თანამდებობის დატოვების შესახებ დღეს სოციალურ ქსელში დაწერა.