ბიძინა გეგიძის უმრავლესობიდან გარიცხვა არ ნიშნავს, რომ ვინმემ შერისხა და მასთან ურთიერთობას, ან პოლიტიკურ ურთიერთობას წყვეტს, - ამის შესახებ უმრავლესობის წევრმა ზვიად ძიძიგურმა ჟურნალისტებს განუცხადა.
ძიძიგური ახალი ფრაქციის შექმნასაც გამოეხმაურა და აღნიშნა, რომ პარლამენტში რაც უფრო მეტი ფრაქცია იქნებ მით უკეთესია.
„პარლმენტი არის პოლიტიკური მსჯელობისა და დებატების ორგანო და პოლიტიკური დებატების მთავარი აქტორები არიან ფრაქციები. ამიტომ, რაც მეტი ფრაქციაა, მით უკეთესი. იყო წინააღმდეგობა, ბიძინა გეგიძესთან ამ თემებზე საუბარი მიდიოდა. ისე არ ყოფილა, რომ საუბარი არ მიდიოდა. უბრალოდ, გუშინ ასეთი გადაწყვეტილება გამოვიდა. თან ბიძინა გეგიძის გარიცხვა არ ნიშნავს, რომ ვინმემ შერისხა და მასთან ურთიერთობას, ან პოლიტიკურ ურთიერთობას წყვეტს. მე პირადად არ ვაპირებ ასეთი ურთიერთობების შეწყვეტას“, - განაცხადა ძიძიგურმა.