არჩილ თალაკვაძე მამუკა ბახტაძის გადადგომაზე - „ქართული ოცნების" გუნდში თანამდებობა არავის თვითმიზანი არ არის

„ქართული ოცნების" გუნდში თანამდებობა არავის თვითმიზანი არ არის, - ასე პასუხობს პარლამენტის თავმჯდომარე, არჩილ თალაკვაძე მამუკა ბახტაძის თანამდებობიდან გადადგომასთან დაკავშირებით დასმულ შეკითხვას.

არჩილ თალაკვაძე ბახტაძის გადადგომის კონკრეტულ მიზეზებზე არ საუბრობს, თუმცა აღნიშნავს, რომ მსგავსი ცვლილებები ადრეც და ახლაც, არსებული საჭიროებებიდან გამომდინარე ხორციელდება. პარლამენტის თავმჯდომარემ მამუკა ბახტაძეს გაწეული საქმიანობის გამო მადლობა გადაუხადა და მისი მუშაობის პერიოდში განხორციელებული რამდენიმე რეფორმა გამოყო.

„ბუნებრივია, როდესაც ქვეყანას და საზოგადოებას სჭირდება ცვლილებები, ეს ხორციელდება. მამუკა ბახტაძემ მნიშვნელოვანი წვლილი შეიტანა ჩვენი პოლიტიკური პროგრამის განხორციელებაში. მინდა გამოვყო რამდენიმე მიმართულება, რომელიც ვფიქრობ მის საქმიანობას უკავშირდება და სადაც განსაკუთრებული პროგრესია მიღწეული. ეს არის განათლების სფერო, მისი დასახვა როგორც პრიორიტეტის, უპრეცედენტოდ მაღალი დაფინანსების გამოყოფა. მეორე ეს არის მწვანე ეკონომიკის პოლიტიკა და მესამე ეს არის მაკროეკონომიკური სტაბილურობა. ეს უკავშირდება ეკონომიკური პოლიტიკის დაგეგმვას იმგვარად, რომ საქართველომ მომავალში, თავისი მაკროეკონომიკური მდგომარეობა გააუმჯობესოს და მიიღოს უკეთესი საერთაშორისო რეიტინგები",- განაცხადა არჩილ თალაკვაძემ.

ლევან ბოძაშვილი - ახლა არაორდინარული, არასტანდარტული გადაწყვეტილებების დროა
ქართული პრესის მიმოხილვა 30.03.2020
სოსო არჩვაძე - ეროვნული ვალუტის კურსის რყევამ  შეიძლება სერიოზულად დააზიანოს ის შედეგები, რაც მიღწეულია მთავრობის მიერ
„დრიმლენდ ოაზისი ჩაქვის“ დამფუძნებლების გადაწყვეტილებით, სასტუმრო სრული მომსახურების პაკეტით უსასყიდლოდ გადაეცა სახელმწიფოს საკარანტინე მიზნებისთვის, სამშობლოში დაბრუნებული მოქალაქეების განსათავსებლად
„მაკდონალდსი“ ლუგარის ლაბორატორიის პერსონალის კვებაზე ზრუნავს
„ვენდი“ და „დანკინი“ მიწოდების უკონტაქტო სერვისზე გადადის