ანრი ოხანაშვილი - თუკი პარტიას არ აქვს რესურსი, არ გააჩნია ხედვა, რის გამოც საზოგადოებამ შეიძლება მხარი დაუჭიროს, ის არ იმსახურებს იყოს პარლამენტში

პარლამენტის იურიდიულ საკითხთა კომიტეტის თავმჯდომარის, ანრი ოხანაშვილის განცხადებით, საარჩევნო სისტემასთან დაკავშირებით საკონსტიტუციო ცვლილებების თაობაზე გუნდში იმსჯელებენ და მხოლოდ ამის შემდეგ იქნება მიღებული გადაწყვეტილება.

ოხანაშვილის თქმით, ნულ პროცენტიანი ბარიერი იძლევა ყველა შესაძლებლობას, რომ პარტიებმა მიიღონ მხარდაჭერა და საკანონმდებლო ორგანოში ჰყავდეთ საკუთარი წარმომადგენლობა.

"ჩვენ თითოეულ საკითხთან დაკავშირებით გვექნება დეტალური მსჯელობა და განხილვა, არგუმენტების მოსმენა, გავუზიარებთ ერთმანეთს პოზიციებს და შესაბამისად, ამის შემდეგ იქნება მიღებული გადაწყვეტილება. ვფიქრობთ, რომ ის ფართომასშტაბიანი რეფორმა, რომელიც სწორედ "ქართული ოცნების" გუნდის დამსახურებით დაანონსდა და მუშაობა დაიწყო, არის ძალიან მნიშვნელოვანი და ხელს შეუწყობს მოხდეს სიტუაციის განმუხტვა და პოლიტიკურად ყველა შესაბამის პარტიას მიეცეს შანსი მოსინჯონ ძალები, საზოგადოების მხარდაჭერა მოიპოვონ და იყვნენ საზოგადოების წარმომადგენლები საკანონმდებლო ორგანოში.

ე.წ ბუნებრივი, ნულოვანი ბარიერი ქმნის ყველა გარანტიას იმისთვის, რომ თუკი პარტია არის შემდგარი, აქვს სტრუქტურა, ხედვა, უზრუნველყოფილი იყოს მისი წარმომადგენლობა პარლამენტში, ამიტომ თუკი პარტიას არ აქვს რესურსი, არ გააჩნია ხედვა, სტრუქტურა, იდეები და საზოგადოებას ვერ ესაუბრება იმ გეგმებთან დაკავშირებით, რის გამოც მას საზოგადოებამ შეიძლება მხარი დაუჭიროს, მაშინ ასეთი პარტია არც ბლოკის სტატუსით არ უნდა იმსახურებდეს წარმოდგენილი იყოს ქვეყნის უმაღლეს საკანონმდებლო ორგანოში", -აცხადებს ოხანაშვილი.

ცნობისთვის, დღეს პარლამენტის ბიუროს სხდომაზე საკონსტიტუციო ცვლილებების პროექტების ინიცირება მოხდა.

როგორც ცნობილია, უმრავლესობის 93 დეპუტატის ხელმოწერით წარდგენილი კონსტიტუციურ კანონში ცვლილებები 2020 წლის საპარლამენტო არჩევნების პროპორციული საარჩევნო სისტემითა და ნულოვანი საარჩევნო ბარიერით ჩატარებას გულისხმობს. ამასთან, პროექტის მიხედვით, კონსტიტუციის გარდამავალი დებულებებიდან ამოღებულია ჩანაწერი 3%-ანი საარჩევნო ბარიერისა და პოლიტიკური პარტიების ბლოკების შესახებ. კონსტიტუციური კანონის გარდამავალ დებულებებში გაწერილი ფორმულის მიხედვით, იმისათვის, რომ განისაზღვროს რამდენი მანდატი მიიღო პარტიამ, მის მიერ მიღებული ხმების რაოდენობა 150-ზე გამრავლდება და ყველა პარტიის მიერ მიღებული ხმების რაოდენობაზე გაიყოფა. მიღებული მთელი რიცხვი პარტიის მიერ მიღებული მანდატების რაოდენობა იქნება.

ამასთან, გადაუნაწილებელი მანდატების დარჩენის შემთხვევაში, ის საუკეთესო შედეგის მქონე პარტიებს შორის, რიგითობით განაწილდება.

საარჩევნო სისტემასთან დაკავშირებით კონსტიტუციური ცვლილებების საკუთარი ვარიანტი პარლამენტს ოპოზიციურმა პარტიებმაც შესთავაზა. მათი პროექტით, 2020 წლის არჩევნები პროპორციული სისტემით ტარდება, თუმცა 3%-იანი ბარიერისა და პარტიების ბლოკების დაშვებით.

ეკატერინე დგებუაძე - შემიძლია დაგიდასტუროთ, რომ არცერთი მოსწავლე არ დარჩება სასწავლო განათლების მიღმა
ქართული პრესის მიმოხილვა 02.04.2020
ვაჟა ბერიძე - მთავრობა სწრაფად და ეფექტიანად რეაგირებს გამოწვევებზე, ეს სადღეისოდ საკმარისია, მაგრამ ტაში და ვაშა ჯერჯერობით ნაადრევია
პლასტიკური ბარათი სასურველ ადგილას - ახალი სერვისი "ტერაბანკისგან"
aptiaqi.ge-მ „ავერსის“ პროდუქციის ონლაინ გაყიდვა დაიწყო
კომპანია „ნიკორა ტრეიდმა“ თანამშრომლების ტრანსპორტირებისთვის ყოველთვიურად 300 000 ლარი გამოყო
„ნატახტარის“ მწარმოებელი კომპანია „ეფეს საქართველო“ ახალი ვირუსის წინააღმდეგ ბრძოლის მხარდამჭერი პროგრამების განხორციელებისთვის 150 ათას ლარს გამოყოფს
"ლიბერთი" მომხმარებელზე ზრუნვას განაგრძობს
“ემბისიმ“  3-თვიანი საშეღავათო პერიოდით სარგებლობის მსურველთა ყველა განაცხადი დააკმაყოფილა.
"კერხერ-საქართველომ" ინფექციური პათოლოგიისა და შიდსის ცენტრს საჩუქრად "კერხერის" პროფესიონალური ორთქლის აპარატი გადასცა
KFC ექსკლუზიურად "ვოლტზეა"
"საქკაბელის" პროდუქციის შეძენა ვებ გვერდზე უკვე დისტანციურად არის შესაძლებელი
D ვიტამინის დეფიციტი და მწვავე რესპირატორული ვირუსული ინფექციები
"ვენდის" და "დანკინის" რესტორნები მუშაობის ახალ გრაფიკზე გადადის
სადაზღვევო კომპანია „ბენეფიტსი“ 5000 პსრ ტესტის ჩასატარებელ ნაკრებს ლუგარის კვლევით ცენტრს გადასცემს
„საქართველოს ბანკის“ მობილბანკი ფინანსური ოპერაციების შესრულებისას ნაკლებ ინტერნეტს მოიხმარს