სალომე ზურაბიშვილი - ჩემი, როგორც ქალი პრეზიდენტის არჩევა ძალიან დადებითად და იმედიანად არის მიღებული ქართულ საზოგადოებაში -  იმდენად, რომ ეს ზოგჯერ მაშინებს

ჩემი, როგორც ქალი პრეზიდენტის არჩევა ძალიან დადებითად და იმედიანად არის მიღებული ქართულ საზოგადოებაში. იმდენად, რომ ეს ზოგჯერ მაშინებს, - ამის შესახებ საქართველოს პრეზიდენტმა სალომე ზურაბიშვილმა პოლონეთში გამართულ კონფერენციაზე „ქალთა როლი პოლიტიკაში“ სიტყვით გამოსვლისას განაცხადა. ზურაბიშვილის თქმით, მისი პრეზიდენტად არჩევა არა როგორც საზოგადოებაზე თავს მოხვეული, არამედ საქართველოს ისტორიიდან გამომდინარე, ძალიან ბუნებრივი მოვლენა იყო.

„როდესაც ევროპის სხვადასხვა ქვეყანაში ვიმყოფები, მეკითხებიან, რამდენად მიიღო ქართულმა საზოგადოებამ ჩემი, როგორც ქალი პრეზიდენტის, არჩევა და რამდენად არის შეგუებული ამ ფაქტთან. ჩემი პასუხია, რომ ჩვენი ისტორიიდან გამომდინარე, ეს ფაქტი არ იყო გამონაკლისი ჩვენს ისტორიაში. ეს იყო არა რაღაც საზოგადოებაზე თავს მოხვეული, არამედ ძალიან ბუნებრივი. დღემდე, როდესაც სხვადასხვა რეგიონში დავდივარ, პირიქით არის, რომ ძალიან დადებითად და იმედიანად არის მიღებული ეს ფაქტი. ეს ზოგჯერ მაშინებს, იმდენად იმედები არის შექმნილი იმის გამო, რომ ქალი ვარ და შეიძლება, ქალს მეტი შეუძლია ამ ძალიან რთულ ვითარებაში. ეს პასუხისმგებლობა, ზოგჯერ, საკმაოდ მძიმე სატარებელია,“ - განაცხადა სალომე ზურაბიშვილმა.

დავით იაკობიძე - მთავარია, კარგად ვიცოდეთ, რა გვინდა სოფლის მეურნეობასა და ეკონომიკაში და ვიცოდეთ, ვის შევთავაზოთ პარტნიორობა
მინდია დავითაძე - აუცილებელია საქპატენტის უწყვეტ რეჟიმში ფუნქციონირება, რათა ბიზნესს შექმნილ ვითარებაში პრობლემა არ შეექმნას
ქართული პრესის მიმოხილვა 06.04.2020
ვაჟა ბერიძე - მთავრობა სწრაფად და ეფექტიანად რეაგირებს გამოწვევებზე, ეს სადღეისოდ საკმარისია, მაგრამ ტაში და ვაშა ჯერჯერობით ნაადრევია
Yandex.Taxi საქართველოში კორონავირუსისგან დაზარალებული მძღოლებისთვის ფინანსური მხარდაჭერის ფონდს აფუძნებს
„დანკინმა“ ინფექციურის  და პირველი საუნივერსიტეტო კლინიკის მედიკოსებს საუზმე მიართვა