„ქართული ოცნება-დემოკრატიული საქართველოს“ პოლიტიკური საბჭოს სხდომა დღეს გაიმართება. სხდომას პარტიის თავმჯდომარე ბიძინა ივანიშვილი უხელმძღვანელებს. როგორც „ინტერპრესნიუსს „ქართულ ოცნებაში“ განუცხადეს, პოლიტსაბჭოს დასრულების შემდეგ დაგეგმილია საპარლამენტო უმრავლესობის სხდომაც.

პოლიტსაბჭოს სხდომა „ქართული ოცნების“ ოფისში 09:00 საათზე დაიწყება.

არსებული ინფორმაციით, სწორედ დღეს გახდება ცნობილი, თუ ვინ იქნება წარდგენილი საქართველოს პრემიერ-მინისტრის პოსტზე.

მამუკა ბახტაძემ პრემიერის თანამდებობა დღეს დატოვა. არსებული ინფორმაციით, მას მთავრობის ხელმძღვანელის თანამდებობაზე შს მინისტრი გიორგი გახარია შეცვლის.