დავით ჭიჭინაძე - მარტო ახალი პრემიერის შერჩევის საკითხს კი არა, „ოცნების“ ყოფნა-არყოფნას ათანხმებს ივანიშვილთან დაახლოებული გავლენიანი პირი აშშ-ში

ჩვენ ხომ ძალიან კარგად ვიცით, რომ გახარიას, სხვა, რუსული, კუდი მოყვება და ეს სულ ცოტა ერთი წელი მაინც შეგვიქმნის სერიოზულ პრობლემებს,-ამის შესახებ პარლამენტის დამოუკიდებელმა დეპუტატმა დავით ჭიჭინაძემ "პალიტრანიუისის" გადაცემაში "360 გრადუსი" განაცხადა.

ჭიჭინაძემ მმართველ პარტიაში არსებულ ინტრიგებზეც ისაუბრა და აღნიშნა, რომ "შიგნით ჭიდაობით" "ქართული ოცნება" ხალხს დაშორდა, რაც სამწუხარო რეალობაა.

„მარტო ახალი პრემიერის შერჩევის საკითხს კი არა, „ქართული ოცნების“ ყოფნა-არყოფნას ათანხმებს დღეს, ბიძინა ივანიშვილთან დაახლოებული, გავლენიანი პირი ამერიკის შეერთებულ შტატებში. რადგან, „ქართულ ოცნებას“ აღარც ის ძალა აქვს, აღარც ლეგიტიმაცია და არც ხალხის ის ნდობა, რომელიც 2012 წელს ჰქონდა. მით უმეტეს, როდესაც გეუბნებიან, რომ რუსეთი არ არის შენი მეგობარი და შენ მაინც რუსეთის წარმომადგენელი გინდა პრემიერად დანიშნო. ჩვენ ხომ ძალიან კარგად ვიცით, რომ გახარიას, სხვა, რუსული, კუდი მოყვება და ეს სულ ცოტა ერთი წელი მაინც შეგვიქმნის სერიოზულ პრობლემებს. მოკლედ, როგორც ჩანს, აშშ-დან არ არის დადებითი სიგნალი მის დანიშვნაზე, თორემ შიგნით ივანიშვილს ვერავინ ვერ დაუპირისპირდებოდა.

რაც შეეხება ღარიბაშვილის მინისტრთა კაბინეტში სავარაუდო დაბრუნებას, ყველას ასევე კარგად გვახსოვს, რომ მის მიმართ წაყენებული ბრალდებების ერთ-ერთი ავტორი, მაშინ კახა კალაძე იყო. სწორედ მან მიიტანა კომპრომატები ჯანყარაშვილზე და მის გარემოცვაზე. ანუ, თავის დროზე თუ კალაძემ დაამარცხა კომპრომატებით ღარიბაშვილი, ვფიქრობ, ახლა ღარიბაშვილი უფრო აქტიურად შეუტევს და უფრო მეტად სამართლიანი იქნება კალაძის მოქმედებებთან მიმართებაში, ვიდრე სხვა. მოკლედ, „ქართული ოცნება“ შიგნით ჭიდაობით, ინტრიგებითაა დაკავებული და ხალხს აბსოლუტურად მოწყდნენ და ესაა სამწუხარო რეალობა",-განაცხადა დავით ჭიჭინაძემ

ნანა ჩაჩუა - არჩევნების წინ არსებულ ვითარებას შევაფასებდი როგორც სიურრეალიზმს, თანაც ისეთს, როგორსაც სალვადორ დალიც კი ვერ წარმოიდგენდა
ქართული პრესის მიმოხილვა 22.10.2020
ილჰამ ალიევი იაპონურ გაზეთ Nikkei-სთან ინტერვიუში - ომის შემდეგ სომხეთს შეუძლია, აზერბაიჯანისა და თურქეთის პარტნიორი გახდეს
პარტია “ალეკო ელისაშვილი - მოქალაქეების” ერთ-ერთი ლიდერი ქეთი თურაზაშვილი - აუცილებელია განათლების სისტემის რეფორმა და “კომაროვის” მოდელი
დავით თარხან-მოურავი - ვინც კოდორი და ახალგორი ჩააბარა, ის გვაცხადებს რუსეთის აგენტად - ამაზე დაფიქრდით (R)
დავით თარხან-მოურავი - მოსახლეობის უმეტესობა ირჩევს "საქართველოს პატრიოტთა ალიანსს (R)
„ბადაგონმა“ თანამშრომლების უსაფრთხოებისთვის PCR ტესტირება დაიწყო
გიორგი ლომია - "ოცნება" და "ნაცმოძრაობა" იმდენად შეერწყნენ ერთმანეთს, რომ დღეს უკვე ერთნი არიან" (R)
პაატა ჯიბლაძე - "პატრიოტთა ალიანსი" ერთადერთი ძალაა, რომელიც ყოველთვის ქვეყნის ინტერესებიდან გამომდინარე მოქმედებს (R)
ნანა დევდარიანი - "პატრიოტთა ალიანსი" უსწრებს "ქართულ ოცნებას" (R)