მამუკა მდინარაძე - გიორგი გახარიას დაუგროვდა პოზიტიური გამოცდილება, როგორც უფლებების დაცვის სფეროში, ისე ეკონომიკის  და იურიდიულ სფეროებში

გიორგი გახარიას დაუგროვდა ძალიან პოზიტიური გამოცდილება, ამიტომ პარტიამ მიიღო გადაწყვეტილება, რომ სწორედ ის არის კადიდატი, რომელმაც უნდა დაიკავიოს პრემიერ-მინისტრის თანამდებობა, - ამის შესახებ ფრაქცია „ქართული ოცნების“ თავმჯდომარემ მამუკა მდინარაძემ პრემიერ-მინისტრობის კანდიდატად გიორგი გახარიას წარდგენის საკითხზე კომენტირებისას.

მისი თქმით, ეს კვირა საინტერესო იქნება, რადგან საზოგადოება მოისმენს იმ პროგრამას, რომელიც ჩვენს ქვეყანაში, დღეს არსებულ გამოწვევებზე იქნება მორგებული.

მდინარაძის თქმით, ამ კვირაში, ამომწურავი პასუხი გაეცემა ყველა იმ კითხვას, რაც დღეს არსებობს.

გიორგი გახარიას დაუგროვდა ძალიან პოზიტიური გამოცდილება, როგორც უფლებების დაცვის სფეროში, აქედან დაიწყო მან, ისე ეკონომიკის სფეროში, სადაც ძალიან წარმატებით ართმევდა თავს თავის მოვალეობას და შემდეგ იურიდიულ სფეროში, სამართალდამცავ ორგანოებში მუშაობით. აქედან გამომდინარე, პარტიამ მიიღო გადაწყვეტილება, რომ სწორედ ის არის კადიდატი, რომელემაც უნდა დაიკავიოს პრემიერ-მინისტრის თანამდებობა. ჩვენ ვფიქრობთ, რომ გვექნება ძალიან საინტერესო კვირა, მოვისმენთ პროგრამას, რომელიც იქნება მორგებული იმ მთავარ გამოწვევებზე, რაც დღეს ჩვენს ქვეყანაშია და ვფიქრობთ, რომ ამ კვირის განმავლობაში, მათ შორის იმ კითხვებსაც, რასაც დღეს სვამთ, გაეცემა დეტალური და ამომწურავი პასუხები“, - განაცხადა მდინარაძემ.

იხილეთ ვიდეო

დავით იაკობიძე - მთავარია, კარგად ვიცოდეთ, რა გვინდა სოფლის მეურნეობასა და ეკონომიკაში და ვიცოდეთ, ვის შევთავაზოთ პარტნიორობა
ქართული პრესის მიმოხილვა 06.04.2020
ვაჟა ბერიძე - მთავრობა სწრაფად და ეფექტიანად რეაგირებს გამოწვევებზე, ეს სადღეისოდ საკმარისია, მაგრამ ტაში და ვაშა ჯერჯერობით ნაადრევია