მამუკა მდინარაძის მტკიცებით, ლევან იზორიას უსაფრთხოების საბჭოს მდივნად დანიშვნისთვის აუცილებელი არ არის, რომ მას მინისტრის თანამდებობა ეკავოს

ფრაქცია „ქართული ოცნების“ თავმჯდომარის, მამუკა მდინარაძის განმარტებით, იმისთვის, რომ ლევან იზორიამ ეროვნული უსაფრთხოების საბჭოს უხელმძღვანელოს, აუცილებელი არ არის, რომ მას მინისტრის თანამდებობა ეკავოს.

ჟურნალისტებმა მდინარაძეს შეკითხვა დაუსვეს "ეროვნული უსაფრთხოების პოლიტიკის დაგეგმვისა და კოორდინაციის წესის შესახებ" კანონში არსებული ჩანაწერის შესახებ, რომლის მიხედვითაც, ეროვნული უსაფრთხოების საბჭოს მდივნის ფუნქცია საბჭოს ერთ-ერთ მუდმივ წევრს ეკისრება, მუდმივი წევრები კი არიან: პრემიერ-მინისტრი, თავდაცვის მინისტრი, შინაგან საქმეთა მინისტრი, საგარეო საქმეთა მინისტრი, ფინანსთა მინისტრი, სახელმწიფო უსაფრთხოების სამსახურის უფროსი, დაზვერვის სამსახურის უფროსი და საქართველოს თავდაცვის ძალების მეთაური, თუმცა მდინარაძის მტკიცებით, „ამით კანონი არ დაირღვევა“.

„არ არის აუცილებელი მას მინისტრის პოსტი ეკავოს. ეს გაწერილია კანონით. შესაძლებელია იყოს მინისტრიც, მაგრამ ეს შესაძლებელია უამისოდაც. აქედან გამომდინარე, პრობლემა, მითუმეტეს კანონისმიერი, აქ არ არის,“ - განაცხადა მამუკა მდინარაძემ.

პრემიერ-მინისტრობის კანდიდატის გიორგი გახარიას გადაწყვეტილებით, თავდაცვის მინისტრის პოსტს ირაკლი ღარიბაშვილი დაიკავებს, ხოლო უკვე ყოფილი მინისტრი ლევან იზორია კი უსაფრთხოების საბჭოს უხელმძღვანელებს.

ლევან ბოძაშვილი - ახლა არაორდინარული, არასტანდარტული გადაწყვეტილებების დროა
ქართული პრესის მიმოხილვა 26.03.2020
სოსო არჩვაძე - ეროვნული ვალუტის კურსის რყევამ  შეიძლება სერიოზულად დააზიანოს ის შედეგები, რაც მიღწეულია მთავრობის მიერ
„მაკდონალდსი“ ლუგარის ლაბორატორიის პერსონალის კვებაზე ზრუნავს
„ვენდი“ და „დანკინი“ მიწოდების უკონტაქტო სერვისზე გადადის
კომპანია "ლისი დეველოპმენტმა" მთავრობის მიერ შექმნილ StopCov ფონდში 50 000 ლარი გადარიცხა
„ვისოლ ჯგუფი“ თბილისის მერიასთან ერთად მარტოხელა მოხუცებს ყოველდღიური მოხმარების საგნებითა და საკვები პროდუქტებით მოამარაგებს
„სოკარმა“ STOPCOV ფონდის მხარდასაჭერად საქართველოს ბიზნეს ასოციაციაში 200 000 ლარი ჩარიცხა
ბაზისბანკის ვიდეობანკი ციფრული სერვისების გასააქტიურებლად
შპს "ფერიმ" და სს "დარიალი ენერჯიმ" კორონავირუსთან ბრძოლის ფონდს ნახევარი მილიონი ლარი გადაურიცხა
ლიბერთის პროგრამა აპრილის პენსიების წინასწარ ჩარიცხვის მიმართულებით ყველა ასაკის პენსიონერზე გავრცელდება