„ბიბისი“ - მიმომხილველები ბრიტანეთში ვადამდელი არჩევნების ოქტომბერში დანიშვნას ვარაუდობენ

დღეს დიდი ბრიტანეთის პარლამენტი საზაფხულო არდადეგების შემდეგ მუშაობას განაახლებს. ოპოზიციურად განწყობილი დეპუტატების უმრავლესობა, ფაქტობრივად ყველა პარტიიდან, აპირებს სასწრაფოდ მიიღონ კანონი, რომელიც მთავრობას ევროკავშირიდან ხელშეკრულების გარეშე გასვლას აუკრძალავს. მოლაპარაკებების გასაგრძელებლად დეპუტატები მოითხოვენ „ბრექსიტი“ გადავადდეს კიდევ სამი თვით, 31 იანვრამდე. ამისთვის დეპუტატებს სულ რამდენიმე დღე აქვთ, რადგან პრემიერის მიმართვისა და დედოფლის გადაწყვეტილების საფუძველზე, პარლამენტის მუშაობაში 14 ოქტომბრამდე შესვენება ცხადდება.

პრემიერ-მინისტრმა ბორის ჯონსონმა განაცხადა, რომ „ბრექსიტის“ გადადების წინადადებით მიმართვას არ აპირებს და პარლამენტს მოუწოდებს არ შეუშალონ ხელი ევროკავშირთან მკაცრი პოზიციებიდან მოლაპარაკებებში.

გუშინ ბევრი მიმომხილველი ელოდა, რომ პრემიერი ბორის ჯონსონი ვადამდელ არჩევნებს დანიშნავდა, რისი შესაძლებლობაც პარლამენტის კულუარებში დიდი ხანია განიხილება. ბორის ჯონსონმა კი განაცხადა, რომ არ სურს ვადამდელი არჩევნების დანიშვნა და პარლამენტის დანარჩენ წევრებსაც ეს წესით არ უნდა უნდოდეთ. თუმცა ბრიტანეთის მთავრობასთან დაახლოებული მიმომხილველები მიიჩნევენ, რომ პრემიერ-მინისტრი უხელშეკრულებო „ბრექსიტის“ აკრძალვის შესახებ კანონის მიღებას განიხილავს როგორც მთავრობისადმი უნდობლობის გამოცხადებას.მათივე აზრით, ჯონსონის მხრიდან საუკეთესო შემხვედრი ნაბიჯი კი იქნება ვადამდელი არჩევნების დანიშვნა 14 ოქტომბრისთვის. ევროკავშირის სამიტი, რომელზეც ბრექსიტის საკითხი განიხილება, 17-18 ოქტომბერს არის დანიშნული.

ამ ინფორმაციას „ბი-ბი-სი“ ავრცელებს.

იხილეთ ვიდეო: ბრიტანეთში ოპოზიციონერი დეპუტატები აპირებენ მიიღონ კანონი, რომელიც ევროკავშირიდან ხელშეკრულების გარეშე გასვლას აკრძალავს

ზაზა ფირალიშვილი - კრემლს ჩვენში ისეთი ძალის გამარჯვება აწყობს, ვინც კონფრონტაციული რიტორიკის ერთგული იქნება, ვერ შეძლებს ქვეყანში დიალოგისა და თანამშრომლობის ატმოსფეროს შექმნას
ქართული პრესის მიმოხილვა 29.10.2020
ვახტანგ ძაბირაძე - დღეს საზოგადოებაში არ ჭარბობს განწყობა - ოღონდ ეს ხელისუფლება წავიდეს და ვინც გინდა მოვიდეს
ექსპოჯორჯია აგრო ექსპორტის ფორუმს, ონლაინ - B2B ფორმატში გამართავს
ირმა ინაშვილი - "ქართული ოცნება" დამნაშავეა იმაში, რომ წლების მანძილზე ხელს აფარებდა დამნაშავეებს (R)
გიორგი ლომია - ციხის კადრებში ნათლად ჩანს, რომ პატიმრების წამებაში მთელი სისტემა იყო ჩართული (R)
ირმა ინაშვილი - "ნაციონალური მოძრაობა" ისტორიას და ფაქტებს ვერ წაშლის, რადგან ხალხს ყველაფერი ახსოვს (R)
ირმა ინაშვილი - ჩვენ უნდა მოვუგოთ მწამებელ "ნაციონალურ მოძრაობას" და მათ მფარველებს "ოცნებიდან" (R)
გაერთიანება „ერთად არჩევნებისათვის“ წინასაარჩევნო პერიოდს აფასებს
კოლიერსი საქართველოში სამშენებლო მიმართულებას აძლიერებს
სამსუნგის ოფიციალური ჰოლოგრამა გიცავს და გასაჩუქრებს
ჰიუნდაის დიზაინი გამარჯვებულია - DMI Design Value Awards 2020  დიზაინისთვის „Sensuous Sportiness“
„მეგატექნიკაში“ „სამსუნგის“ ფესტივალი დაიწყო