ახალგაზრდებს პროტესტის ბუნებრივი გრძნობა აქვთ იმის გამო, რომ ჯალათი დანიშნეს პრემიერ მინისტრად, - ამის შესახებ „ევროპული საქართველოს“ ერთ-ერთმა ლიდერმა, ელენე ხოშტარიამ პარლამენტის შესასვლელთან განაცხადა, სადაც „სირცხვილიას“ წევრებმა აქცია გამართეს.
„რასაც აკეთებენ ამ ყველაფერზე ექნებათ მუდმივი, უწყვეტი და მძლავრი პროტესტი. ყველაფერზე - ამ კანონდარღვევაზე, სხვა კანონდარღვევებზე, გახარიას დანიშვნაზე. არ ვაპირებთ ეს ქვეყანა დავუთმოთ მათ. არიან ახალგაზრდები, რომელთაც აქვთ პროტესტის ბუნებრივი გრძნობა, რომ ჯალათი დანიშნეს პრემიერ-მინისტრად და მათ აქვთ სრული უფლება, ეს გააპროტესტონ, მათ შორის, შემოვიდნენ პარლამენტში“, - განაცხადა ხოშტარიამ.