საქართველოს სტატისტიკის ეროვნული სამსახური 2019 წლის მეორე კვარტალში საწარმოთა საქმიანობის შედეგებს აქვეყნებს.

„საქსტატი“ წარმოადგენს საქართველოს რეგიონების მიხედვით მთლიანი ბრუნვის, პროდუქციის გამოშვებისა და დასაქმებულთა რაოდენობის მონაცემებს.

„რეგიონების მიხედვით მთლიან ბრუნვაში ლიდერობს თბილისი და სხვა რეგიონები შემდეგი თანმიმდევრობით: ქ. თბილისი – 75.6 პროცენტი; აჭარის ა.რ. – 6.9 პროცენტი; ქვემო ქართლი – 4.6 პროცენტი; იმერეთი – 4.1 პროცენტი; სამეგრელო-ზემო სვანეთი – 2.7 პროცენტი.

პროდუქციის მთლიან გამოშვებაში ლიდერობს კვლავ ქ. თბილისი და სხვა რეგიონები შემდეგი თანმიმდევრობით: ქ. თბილისი – 65.0 პროცენტი, აჭარის ა.რ. – 8.9 პროცენტი, ქვემო ქართლი – 7.5 პროცენტი, იმერეთი – 5.7 პროცენტი, სამეგრელო-ზემო სვანეთი – 3.3 პროცენტი.

რაც შეეხება დასაქმებულთა რაოდენობას, რეგიონების მიხედვით აღნიშნული მაჩვენებელი შემდეგნაირად ნაწილდება: თბილისი – 64.1 პროცენტი, აჭარის ა.რ. – 9.7 პროცენტი, იმერეთი – 6.8 პროცენტი, ქვემო ქართლი – 5.6 პროცენტი, სამეგრელო-ზემო სვანეთი – 3.8 პროცენტი“, - აღნიშნულია „საქსტატის“ მიერ გავრცელებულ ინფორმაციაში.