ქალაქ ფოთის საკრებულოს თავმჯდომარე ირაკლი კაკულია პრემიერ-მინისტრის პოსტზე გიორგი გახარიას კანდიდატურის დასახელებას მიესალმება. ამის შესახებ „ინტერპრესნიუსს“ ფოთის მერიიდან აცნობეს.

„პირველ რიგში, მადლობა მინდა გადავუხადო ბატონ მამუკა ბახტაძეს ფინანსთა მინისტრობის და პრემიერად მუშაობის დროს გაწეული ღვაწლისთვის, მან ბევრი მნიშვნელოვანი საკითხის გადაწყვეტა დაიწყო. ასევე წარმატება მინდა ვუსურვო ბატონ გიორგი გახარიას, ადამიანს, რომელიც არის დაჯილდოებული ბევრი დადებითი თვისებით. მინდა ხაზგასმით ავღნიშნო, რომ ბატონ გიორგის, თავისი მოღვაწეობის ყველა ეტაპზე შეხება ჰქონდა ფოთთან. (მალთაყვის საკურორტო ზონის განაშენიანების გეგმა, ჰიდრონაგებობა) ჩართული იყო თითქმის ყველა მნიშვნელოვან პროექტში და ბევრი სასიკეთო საქმე გააკეთა ჩვენი ქალაქისთვის. ახლა ძალიან დიდი ტვირთი ადევს და დარწმუნებული ვარ თავისი ჩვეული თვისებებით ქვეყანას დიდ წარმატებას მოუტანს“, - აცხადებს ირაკლი კაკულია.