ჰონგ კონგის ლიდერმა კერი ლემმა დღეს ოფიციალურად გამოაცხადა, რომ ექსტრადიციის შესახებ კანონპროექტს უკან გაიწვევს, რომელმაც ჩინეთის ამ ავტონომიურ ტერიტორიაზე მილიონიანი საპროტესტო გამოსვლები და პოლიციასთან შეტაკებები გამოიწვია. საპროტესტო აქციები სამი თვის განმავლობაში ფაქტობრივად უწყვეტად გრძელდებოდა.
კერი ლემმა ეს განცხადება ჰონკონგის საკანონმდებლო ორგანოს დეპუტატებსა და ასევე ჰონკონგში არჩეულ ჩინეთის ეროვნული სახალხო კონგრესის დელეგატებთან შეხვედრისას გააკეთა.
ორი დღის წინ კერი ლემის ბიზნესის წარმომადგენლებთან შეხვედრის აუდიოჩანაწერი გავრცელდა, სადაც ის ამბობს, რომ ამ კანონპროექტით მიუტევებელი ქაოსი შექმნა და არჩევანი რომ ჰქონდეს, ბოდიშის მოხდით გადადგებოდა. მოგვინებით მან განაცხადა, რომ გადადგომის განცხადებით არავისთვის მიუმართავს, თუმცა ჩანაწერის ნამდვილობა არ უარყო.
ამ ინფორმაციას „როიტერი“ ავრცელებს.