საქართველო CERN-თან თანამშრომლობის ახალ ეტაპზე გადადის

საქართველო მსოფლიოში ცნობილი „ბირთვული კვლევების ევროპულ ცენტრთან“ (CERN) თანამშრომლობის ახალ ეტაპზე გადადის. ამის შესახებ „ინტერპრესნიუსს“ შოთა რუსთაველის ფონდიდან აცნობეს.

მათი ინფორმაციით, შოთა რუსთაველის საქართველოს ეროვნული სამეცნიერო ფონდის გენერალური დირექტორმა ზვიად გაბისონიამ და ფონდის წარმომადგენლებმა 2-4 სექტემბერს ჟენევაში „ბირთვული კვლევების ევროპულ ცენტრში“ (CERN - Conseil Européenne pour la Recherche Nucléaire) ოფიციალური შეხვედრები გამართეს. ფონდის გენერალური დირექტორი ზვიად გაბისონია ცერნის უმაღლესი მენეჯმენტის წარმომადგენლებს პროფესორ ემანუელ ცესმელისს, პროფესორ მარტინ შტაინახელს, პროფესორ კრისტიან შეფერს და პროფესორ როსარიო პრინციპეს შეხვდა.

ასევე, საქმიანი შეხვედრები გაიმართა ცერნის უდიდესი პროექტების “CMS” პროექტის დირექტორ, პროფესორ ტიციანო კამპორეზისთან და “ATLAS”-ის ტექნიკურ დირექტორთან ლუდოვიკო პონტეკორვოსთან. შეხვედრებს დაესწრნენ ცერნის კოლაბორაციაში მონაწილე ქართველი მეცნიერები - CMS-ის ქართული ჯგუფის ლიდერი, პროფესორი ზვიად წამალაიძე და ATLAS-ის ქართული ჯგუფის ლიდერი, პროფესორი ირაკლი მინაშვილი.

„ცერნთან საქართველოს თანამშრომლობის ახალი შესაძლებლობები განიხილეს. კერძოდ, ცერნსა და რუსთაველის ფონდს შორის გაფორმდება შეთანხმება, რომლითაც ახალგაზრდა ქართველ მეცნიერებს ინჟინერიისა და გამოყენებითი ფიზიკის მიმართულებით შეეძლებათ სამეცნიერო კვლევები განახორციელონ ცერნის მსოფლიოს უდიდეს კვლევით ცენტრებსა და ლაბორატორიებში. ასევე, განიხილეს ცერნის მსოფლიოში ყველაზე დიდი, ახალი ამაჩქარებლის მშენებლობაში საქართველოს მონაწილეობის შესაძლებლობები.

ცერნის ხელმძღვანელობამ უმაღლესი შეფასება მისცა ქართველ მეცნიერთა მონაწილეობას ცერნის უდიდეს პროექტებში და აღნიშნა, რომ ქართველ მეცნიერებს უმნიშვნელოვანესი სამეცნიერო შედეგები აქვთ 42 ქვეყნის მონაწილეობით შექმნილ კოლაბორაციულ პროექტებში,“ -ნათქვამია ინფორმაციაში.

ზაზა ფირალიშვილი - კრემლს ჩვენში ისეთი ძალის გამარჯვება აწყობს, ვინც კონფრონტაციული რიტორიკის ერთგული იქნება, ვერ შეძლებს ქვეყანში დიალოგისა და თანამშრომლობის ატმოსფეროს შექმნას
ქართული პრესის მიმოხილვა 29.10.2020
ვახტანგ ძაბირაძე - დღეს საზოგადოებაში არ ჭარბობს განწყობა - ოღონდ ეს ხელისუფლება წავიდეს და ვინც გინდა მოვიდეს
ექსპოჯორჯია აგრო ექსპორტის ფორუმს, ონლაინ - B2B ფორმატში გამართავს
ირმა ინაშვილი - "ქართული ოცნება" დამნაშავეა იმაში, რომ წლების მანძილზე ხელს აფარებდა დამნაშავეებს (R)
გიორგი ლომია - ციხის კადრებში ნათლად ჩანს, რომ პატიმრების წამებაში მთელი სისტემა იყო ჩართული (R)
ირმა ინაშვილი - "ნაციონალური მოძრაობა" ისტორიას და ფაქტებს ვერ წაშლის, რადგან ხალხს ყველაფერი ახსოვს (R)
ირმა ინაშვილი - ჩვენ უნდა მოვუგოთ მწამებელ "ნაციონალურ მოძრაობას" და მათ მფარველებს "ოცნებიდან" (R)
გაერთიანება „ერთად არჩევნებისათვის“ წინასაარჩევნო პერიოდს აფასებს
კოლიერსი საქართველოში სამშენებლო მიმართულებას აძლიერებს
სამსუნგის ოფიციალური ჰოლოგრამა გიცავს და გასაჩუქრებს
ჰიუნდაის დიზაინი გამარჯვებულია - DMI Design Value Awards 2020  დიზაინისთვის „Sensuous Sportiness“
„მეგატექნიკაში“ „სამსუნგის“ ფესტივალი დაიწყო