საქართველოს პრეზიდენტის სასახლეში მიხაი ზიჩის მიერ შექმნილი მინიატურების გამოფენა მოეწყო

უნგრეთის პრეზიდენტის იანოშ ადერის ვიზიტთან დაკავშირებით, საქართველოს პრეზიდენტის სასახლეში უნგრელი მხატვრის მიხაი ზიჩის მიერ „ვეფხისტყაოსნისთვის“ შექმნილი მინიატურების გამოფენა მოეწყო. ამის შესახებ „ინტერპრესნიუსს“ პრეზიდენტის ადმინისტრაციიდან აცნობეს.

მათი ინფორმაციით, გამოფენაზე წარმოდგენილი იყო 18 მინიატურული ნამუშევარი და 1888 წელს გიორგი ქართველიშვილის მიერ გამოცემული ვეფხისტყაოსანი, რომელიც სწორედ უნგრელი მხატვრის მიერ არის ილუსტრირებული. უნგრეთის პრეზიდენტი თბილისს მეუღლესთან, ანიტა ჰერჩეხთან ერთად გუშინ ეწვია.

შეგახსენებთ, რომ უნგრეთის პრეზიდენტის დახვედრის ოფიციალური ცერემონია დღეს გაიმართა. დახვედრის ცერემონიის შემდეგ, უნგრული და ქართული მხარეები ერთმანეთს პირისპირ და გაფართოებულ ფორმატში შეხვდნენ და დღის წესრიგით გათვალისწინებულ საკითხებზე ისაუბრეს. შეხვედრის ბოლოს უნგრეთის და საქართველოს პრეზიდენტებმა ერთობლივი პრესკონფერენცია გამართეს.

თენგიზ ფხალაძე - პოლიტიკურ ძალებს შორის ურთიერთობაში უნდა არსებობდეს ზღვარი, რომლის იქითაც პროცესი არ უნდა წავიდეს, თუკი ეს ზღვარი წაიშალა, მძიმე შედეგს მივიღებთ
ქართული პრესის მიმოხილვა 25.01.2020
ავთანდილ წულაძე - საქართველოსთან მიმართებაში რუსეთის სტრატეგიული მიზანი არსებული სტატუს-კვოს შენარჩუნებაა
„რადისონ ქოლექშენ, წინანდლის მამულის" ზამთრის შეთავაზება