მამუკა მდინარაძე - ადამიანების ქუჩაში მკვლელების და მამაკაცების გაუპატიურებაში მხილებული ხალხის მხრიდან ადამიანის ჯანმრთელობაზე ზრუნვა  სრული მარაზმია

„ნაციონალური მოძრაობის" წარმომადგენლების, ადამიანების ქუჩაში მკვლელების და მამაკაცების გაუპატიურებაში მხილებული ხალხის მხრიდან, ადამიანის ჯანმრთელობაზე ზრუნვა სირცხვილი კი არა, სრული მარაზმია, - ამის შესახებ ფრაქცია "ქართული ოცნების" თავმჯდომარემ მამუკა მდინარაძემ ფრაქცია „ნაციონალური მოძრაობის“ მიერ მთავრობის ახალი შემადგენლობის მოსმენის შეწყვეტის შეფასებისას განაცხადა.

მან აღნიშნა, რომ "ერთიანი ნაციონალური მოძრაობა" არათანმიმდევრულად იქცეოდა სხდომაზე და სხდომის შეწყვეტაც მიუთითებს, რომ მათ პროვოკაციის მოწყობა სურდათ. მდინარაძის თქმით, მათი მხრიდან ადამიანის ჯანმრთელობაზე ზრუნვა მარაზმია.

"ნახეთ არათანმიმდევრულობა: გუშინ მთელი დღის განმავლობაში აცხადებდნენ, რომ ისინი იყვნენ ბოიკოტის რეჟიმში და არ მოვიდოდნენ პარლამენტში. შეცვალეს გადაწყვეტილება - თურმე რისთვის, ხომ დადასტურდა და შევხედეთ, იმისთვის, რომ მოეწყოთ რამდენიმეწუთიანი სპექტაკლი და საზოგადოებისთვის შეეთავაზებინათ კიდევ ერთი ძალიან ბინძური ტყუილი. ადამიანები, ვინც ქუჩაში კლავდნენ ახალგაზრდებს, ახლა ვითომ დაინტერესებულები არიან მათი ბედით. მათი ბედი ჩვენ გვაინტერესებს. მიუხედავად იმისა, რომ აქციის დაშლა იყო აბსოლუტურად ლეგიტიმური და თანამედროვე სამყაროში ამაზე კითხვაც კი არავის დაუსვამს, ეს არ არის საფუძველი, რომ არ ვიზრუნოთ იმ ადამიანებზე. პირიქით, მთელი ცხოვრება მათზე, მათ შორის მაკო გომურზე უნდა ვიზრუნოთ, ეს არის ჩვენი მორალური პასუხისმგებლობა. მაგრამ "ნაციონალური მოძრაობის" წარმომადგენლების ზრუნვა, ადამიანების ქუჩაში მკვლელების ზრუნვა, ძალიან დიდი ბოდიში, რომ მიწევს ამის გამეორება, მამაკაცების გაუპატიურებაში მხილებული ხალხის მხრიდან ადამიანის ჯანმრთელობაზე ზრუნვა არის სირცხვილი, კი არა, სრული მარაზმი", - განაცხადა მდინარაძემ.

ზურაბ ბატიაშვილი - ყარაბაღის კონფლიქტით ყველაზე მოგებული მხარე რუსეთია
ქართული პრესის მიმოხილვა 22.10.2020
რამაზ საყვარელიძე - იმ სოციოლოგიური კვლევების ფონზე, რაც მრავლად ტარდება, გაუგებარია, საიდან გაუჩნდა ოპოზიციას არჩევნებში გამარჯვების და მთავრობის შექმნის იმედი
3-მილიარდიანი ინვესტიცია დედაქალაქის ცენტრში - Tbilisi Hills Golf & Residences ინოვაციური განვითარების ხედვით
გიგანტური კერამიკული ფილები (R)
სამსუნგის The Serif ტელევიზორი საქართველოში უკვე იყიდება
მოიპოვე მსოფლიოში ყველაზე მოთხოვნადი მინერალები საქართველოში
eutoday - ყარაბაღის კონფლიქტი - ბრძოლა საერთაშორისო სამართლისთვის და არა რელიგიისთვის
კახა ძაგანია - "პატრიოტთა ალიანსმა" ხელისუფლებისგან ხმის მიცემის საათების გაზრდა მოითხოვა"
მერაბ ჭიქაშვილი - "ხელისუფლება კორონას ფსიქოლოგიურ იარაღად იყენებს!"
ნანა დევდარიანი - "31 ოქტომბერს ხალხი "ნაციონალურ მოძრაობასაც" და "ქართულ ოცნებასაც" ყველაფრისთვის  დასჯის!"