საქართველოში ოფიციალურ ვიზიტად მყოფი უნგრეთის პრეზიდენტი იანოშ ადერი მეუღლესთან, ანიტა ჰერჩეხთან ერთად ბოდბის მონასტერს ეწვია. როგორც „ინტერპერსნიუსს“ ქართული უნივერსიტეტიდან აცნობეს, მაღალი დონის სტუმრებს ბოდბელმა მთავარეპისკოპოსმა იაკობმა უმასპინძლა. სტუმრებმა დაათვალიერეს ბოდბის მონასტერი და მოილოცეს წმინდა ნინოს საფლავი. უნგრეთის პრეზიდენტსა და ბოდბელ მთავარეპისკოპოსს შორის შედგა გულთბილი საუბარი სხვადასხვა აქტუალურ და მნიშვნელოვან საკითხზე.