ირმა ინაშვილი გიორგი გახარიას - არ უნდა გამოგვეყენებინა რეზინის ტყვიები, რადგან ადამიანები დაასახიჩრა, დარწმუნებული ვარ, თქვენ  ამას განიცდით

20 ივნისს რეზინის ტყვიების გამოყენების საჭიროება არ იყო, რადგან ამან ადამიანები დაასახიჩრა. დარწმუნებული ვარ, ამას ძალიან ღრმად განიცდით“, - ამ სიტყვებით „პატრიოტთა ალიანსის“ წევრმა ირმა ინაშვილმა პრემიერ-მინისტრობის კანდიდატს გიორგი გახარიას ფრაქციის ფორმატში მოსმენისას მიმართა.

ამასთან, ინაშვილის თქმით, სახელმწიფომ უნდა შეაჩეროს ნებისმიერი ჯგუფი, რომელიც პარლამენტში შეჭრას გადაწყვეტს, თუმცა დოზირება დაცული უნდა იყოს.

„რეალურად, 20 ივნისის მოვლენებისას, ხალხი დაშალა გაზმა და წყლის ჭავლმა. რეზინის ტყვიების გამოყენების საჭიროება არ იყო. არ უნდა გამოგვეყენებინა რეზინის ტყვიები იმიტომ, რომ ამან დაასახიჩრა ადამიანები და ეს ძალიან მძიმე შედეგია. მე დარწმუნებული ვარ, რომ თქვენ განიცდით ამას, ძალიან ღრმად განიცდით, როგორც ადამიანი, მაგრამ ჩვენი განცდები ვერ ეხმარება იმ ადამიანებს, რომლებიც დაზარალდნენ ამ ტრაგიკული მოვლენებისას. ასევე, არანაკლებად მნიშვნელოვანი მხარეა, რომ პარლამენტში შეჭრის ნებისმიერი მსურველი უნდა გააჩეროთ. კი ბატონო, აუცილებლად! სახელმწიფომ უნდა გააჩეროს ჯგუფები, რომლებიც გადაწყვეტენ პარლამენტში შეჭრას, მაგრამ აქ მეთოდზეა საუბარი, რა მეთოდს გამოიყენებს სახელმწიფო. დოზირება და ბალანსი ყოველთვის დაცული უნდა იყოს“ - განაცხადა ირმა ინაშვილმა.

ზურაბ ბატიაშვილი - ყარაბაღის კონფლიქტით ყველაზე მოგებული მხარე რუსეთია
ქართული პრესის მიმოხილვა 22.10.2020
რამაზ საყვარელიძე - იმ სოციოლოგიური კვლევების ფონზე, რაც მრავლად ტარდება, გაუგებარია, საიდან გაუჩნდა ოპოზიციას არჩევნებში გამარჯვების და მთავრობის შექმნის იმედი
3-მილიარდიანი ინვესტიცია დედაქალაქის ცენტრში - Tbilisi Hills Golf & Residences ინოვაციური განვითარების ხედვით
გიგანტური კერამიკული ფილები (R)
სამსუნგის The Serif ტელევიზორი საქართველოში უკვე იყიდება
მოიპოვე მსოფლიოში ყველაზე მოთხოვნადი მინერალები საქართველოში
eutoday - ყარაბაღის კონფლიქტი - ბრძოლა საერთაშორისო სამართლისთვის და არა რელიგიისთვის
კახა ძაგანია - "პატრიოტთა ალიანსმა" ხელისუფლებისგან ხმის მიცემის საათების გაზრდა მოითხოვა"
მერაბ ჭიქაშვილი - "ხელისუფლება კორონას ფსიქოლოგიურ იარაღად იყენებს!"
ნანა დევდარიანი - "31 ოქტომბერს ხალხი "ნაციონალურ მოძრაობასაც" და "ქართულ ოცნებასაც" ყველაფრისთვის  დასჯის!"