გიორგი გახარია 20 ივნისზე - გადაუდებელი მოგერიების პირობებში, გაფრთხილებას არც კანონი გვავალდებულებდა და არც ამის საშუალება იყო

„როგორც კი აქცია ძალადობრივი გახდა, შინაგან საქმეთა სამინისტრომ რამდენიმე განცხადება გააკეთა მითითებით, რომ გთხოვთ, დატოვოთ პარლამენტის წინ ტერიტორია,“ - ამის შესახებ პრემიერ - მინისტრობის კანდიდატმა გიორგი გახარიამ 20 ივნისის მოვლენებთან დაკავშირებით, უმრავლესობაში შემავალი ფრაქციების ფორმატში მთავრობის შემადგენლობისთვის ნდობის გამოცხადების საკითხის განხილვისას განაცხადა.

გახარიას თქმით, 20 ივნისს აქციის მონაწილეებმა შესაბამისი გაფრთხილება როგორც შს სამინისტროსგან, ასევე თავად მისგან და თბილისის მერისგანაც მიიღეს.

პრემიერ-მინისტრობის კანდიდატის მტკიცებით, მომიტინგეები გააფრთხილეს წყლის ჭავლის გამოყენების წინაც, თუმცა მისივე თქმით, გადაუდებელი მოგერიების პირობებში, კანონით გაფრთხილების ვალდებულება არ არსებობს.

„პოლიციას არათუ ჰქონდა ძალის გამოყენების ლეგიტიმური უფლება, არამედ უბრალოდ არ ჰქონდა სხვა საშუალება, რომ სახელმწიფო ინსტიტუტი დაეცვა ორგანიზებული შტურმისგან. კანონი პირდაპირ მიგვითითებს, რომ დაცულ ობიექტებზე თავდასხმის პირობებში, პოლიციას შეეძლო ყველა სახის იარაღის გამოყენება.

რა თქმა უნდა, იყო უფლებამოსილების გადამეტების გარკვეული ფაქტები და ჩვენ ამ თემას დავუბრუნდებით, თუმცა მინდა ხაზგასმით აღვნიშნო გაფრთხილების შესახებ: როგორც კი აქცია ძალადობრივი გახდა, შინაგან საქმეთა სამინისტრომ გააკეთა რამდენიმე განცხადება მითითებით, რომ გთხოვთ, დატოვოთ პარლამენტის წინ ტერიტორია. მე პირადად ეს განცხადება გავაკეთე ამ შენობაში შემოსვლის დროს. ასევე, ქალაქის მერმა ოფიციალურად მიმართა მომიტინგეებს. ტექნოლოგიურად, სხვადასხვა სახის სპეციალური აღჭურვილობის, მაგალითად წყლის ჭავლის, გამოყენების დროს, რა თქმა უნდა, ასეთი გაფრთხილება იყო, თუმცა გადაუდებელი მოგერიების პირობებში, არც კანონი გვავალდებულებდა და არც ასეთი გაფრთხილების საშუალება იყო. შესაბამისად, სპეკულირებაა ყველაფერი, როდესაც გაფრთხილების თემა აქტუალური ხდება, ისევე, როგორც სპეკულირებაა რეზინის ტყვიების გამოყენების ან მათი სახეობების ნაწილში,“ - განაცხადა გიორგი გახარიამ.

ზურაბ ბატიაშვილი - ყარაბაღის კონფლიქტით ყველაზე მოგებული მხარე რუსეთია
ქართული პრესის მიმოხილვა 22.10.2020
რამაზ საყვარელიძე - იმ სოციოლოგიური კვლევების ფონზე, რაც მრავლად ტარდება, გაუგებარია, საიდან გაუჩნდა ოპოზიციას არჩევნებში გამარჯვების და მთავრობის შექმნის იმედი
3-მილიარდიანი ინვესტიცია დედაქალაქის ცენტრში - Tbilisi Hills Golf & Residences ინოვაციური განვითარების ხედვით
გიგანტური კერამიკული ფილები (R)
სამსუნგის The Serif ტელევიზორი საქართველოში უკვე იყიდება
მოიპოვე მსოფლიოში ყველაზე მოთხოვნადი მინერალები საქართველოში
eutoday - ყარაბაღის კონფლიქტი - ბრძოლა საერთაშორისო სამართლისთვის და არა რელიგიისთვის
კახა ძაგანია - "პატრიოტთა ალიანსმა" ხელისუფლებისგან ხმის მიცემის საათების გაზრდა მოითხოვა"
მერაბ ჭიქაშვილი - "ხელისუფლება კორონას ფსიქოლოგიურ იარაღად იყენებს!"
ნანა დევდარიანი - "31 ოქტომბერს ხალხი "ნაციონალურ მოძრაობასაც" და "ქართულ ოცნებასაც" ყველაფრისთვის  დასჯის!"