„მმართველ გუნდში მთავრობის ამ შემადგებლობის მხარდაჭერასთან დაკავშირებით განსხვავებული პოზიციები არ არსებობს, - ამის შესახებ ფრაქცია „ქართული ოცნების" თავმჯდომარე მამუკა მდინარაძემ ჟურნალისტებს მთავრობის შემადგენლობისთვის ნდობის გამოცხადებასთან დაკავშირებით განუცხადა.
მდინარაძის თქმით, საპარლამენტო უმრავლესობაში შემავალი ფრაქციების სხდომაზე მინისტრობის კანდიდატებთან საქმიანი საუბარი წარიმართა და კითხვებზე ამომწურავი პასუხები მიიღეს.
„როგორც მოსალოდნელი იყო, დღეს აქ არავინ უსტვენდა და საქმიანი საუბარი იყო. ალბათ, პირდაპირი ეთერებიც იქნებოდა და შეუძლია თითოეულ მოქალაქეს, ვისაც აინტერესებს იმ ადამიანების ხედვა მოისმინონ, ვინც პრემიერობისა და მინისტრობის კანდიდატებად წარსდგნენ პარლამენტის წინაშე. ჩემი კითხვა შეეხებოდა 20 ივნისს და მივიღეთ პასუხი. პრაქტიკულად ჩვენ ეს ყველაფერი ვიცით, მაგრამ ჩვენ ველაპარაკებით საზოგადოებას, რომელსაც ამ კითხვებზე დეტალური განმარტება აინტერესებს", - განაცხადა მდინარაძემ.