ფრაქცია „ევროპული საქართველო“ პარლამენტის დღევანდელ პლენარულ სხდომაში, სადაც მთავრობის განახლებული შემადგენლობისთვის ნდობის გამოცხადების საკითხი გადის, მონაწილეობას არ მიიღებს.
ამის შესახებ „ინტერპრესნიუსს“ „ევროპული საქართველოს“ ერთ-ერთმა ლიდერმა ზურაბ ჭიაბერაშვილმა განუცხადა.
ჭიაბერაშვილის განცხადებით, „ევროპულმა საქართველომ“ საზოგადოებას გიორგი გახარიას რეალური სახე უკვე აჩვენა.
„სხდომაზე არ ვიქნებით და მიზეზსაც გეტყვით. „ევროპულმა საქართველომ" უკვე ნათლად აჩვენა მთელ საზოგადოებას ის, რომ გახარია არის უტიფარი და თავხედი მატყუარა, რომელსაც არც ქვეყნის მართვის უნარი აქვს და შეუძლია მხოლოდ და მხოლოდ, ბიძინა ივანიშვილის დავალებით თვალები დათხაროს და დაადასტურა კიდეც, რომ დასჭირდეს, მომავალშიც ჩაიდენს ამას. „ევროპულმა საქართველომ“ მკაფიოდ და ნათლად აჩვენა მისი ნამდვილი სახე და ის, რომ არანაირი სახელმწიფოებრივი ხერხემალი არ არის, ის ერთი გაფუყული მატყუარაა“, - განაცხადა ჭიაბერაშვილმა.
მისივე თქმით, პლენარულ სხდომაზე, სადაც „ქართული ოცნება“ აპირებს მორიგი მასკარადი და თეატრალიზებული წარმოდგენა დადგას, დასწრების აზრს ვერ ხედავს.