რომან გოცირიძე - „ქართული ოცნება" და "პატრიოტთა ალიანსი" ერთი მედლის ორი მხარეა, ერთს ახატია ურჩხული და მეორეს - ციყვი

„ყველამ კარგად იგრძნო, თუ რა დიდი სიცრუის კორიანტელი დააყენა გახარიამ - მარტო მისი ერთი სასაცილო მონათხრობი რად ღირს, თურმე იმ 9 წელიწადში ლარი იმიტომ იყო მყარი, რომ საგარეო ვალებით ამყარებდნენო", - ამის შესახებ "ერთიანი ნაციონალური მოძრაობის" ფრაქციის თავმჯდომარემ რომან გოცირიძემ განაცხადა.

მისივე თქმით, 8 სექტემბერს „ნაციონალური მოძრაობა" დაესწრება პარლამენტის სხდომას. მანვე შეაფასა მთავრობის ახალი შემადგენლობის მოსმენები ფრაქციების ფორმატში.

„გადავწყვიტეთ, რომ ხვალ დავესწროთ პარლამენტის სხდომას, რათა კიდევ ერთხელ ვაჩვენოთ ხალხს, თუ რატომ არ შეიძლება ამ მთავრობის და ამ შემადგენლობით დამტკიცება. დღეს თუ ვინმე უსმენდა პრემიერ-მინისტრობის კანდიდატს, ყველამ კარგად იგრძნო, თუ რა დიდი სიცრუის კორიანტელი დააყენა. მარტო მისი ერთი სასაცილო მონათხრობი რად ღირს: თურმე იმ 9 წელიწადში ლარი იმიტომ იყო მყარი, რომ საგარეო ვალებით ამყარებდნენო. არადა, საგარეო ვალის მოცულობა განისაზღვრება მთლიან შიდა პროდუქტთან მიმართებაში და იმ დროს მშპ-სთან მიმართებაში სახელმწიფო ვალი გაცილებით ნაკლები იყო, ვიდრე დღეს. 7 წლის განმავლობაში ქვეყანაში მიდის ვალების საშინელი დაგროვება, როგორც საგარეო, ასევე საშინაო ვალის და ნელ-ნელა იგი უახლოვდება სახიფათო ზღვარს“, - განაცხადა გოცირიძემ.

მიისვე თქმით, პარლამენტში არაერთი სიცრუე ითქვა, თუმცა მოსახლეობა ისედაც გრძნობს საკუთარ ტყავზე, თუ რა უმძიმეს ეკონომიკურ მდგომარეობაშია ქვეყანა, როგორ იმატებს ფასები, როგორ უფასურდება ლარი.

„პენსიის რეალური ღირებულება იკლებს და საქართველო ევროპაში ბოლო სახელმწიფოა, მოლდოვამაც და სომხეთმაც გაგვასწრო პენსიის რეალური სიდიდის მიხედვით. ასეთ უმძიმეს მდგომარეობაში ჩააგდო ქვეყანა ამ ხელისუფლების 7-წლიანმა მმართველობამ და ეს ყველაფერი ითქმება აქ, მაღალი ტრიბუნიდან. ამიტომ, გადავწყვიტეთ, სწორედ ამის გამო კიდევ ერთხელ ვამხილოთ „გავრილოვის მთავრობის“ ანტისახელმწიფოებრივი ბუნება და ის საფრთხეები, რაც რუსეთთან მათი ურთიერთობებითა და რუსეთისკენ სვლით გამოიხატება და მოვუწოდოთ საზოგადოებას, მხარი არ დაუჭირონ არა ამ მთავრობას, არამედ ამ პარლამენტსაც, რომელიც იქნება ფაქტობრივად ამ მთავრობის დამამტკიცებელი“, - განაცხადა გოცირიძემ.

მანვე კომენტარი გააკეთა იმის შესახებ, რომ „პატრიოტთა ალიანსმა" მთავრობას თანამშრომლობა შესთავაზა და აღნიშნა, რომ „პატრიოტთა ალიანსი" არის "ქართული ოცნების" დამატება.

"ვინმეს ეჭვი გეპარებათ, რომ "ქართული ოცნება" და "პატრიოტთა ალიანსი" ერთი და იგივეა? ერთი მედლის ორი მხარეა, ერთს ახატია ურჩხული და მეორეს - ციყვი", - განაცხადა გოცირიძემ.

ზაზა ფირალიშვილი - კრემლს ჩვენში ისეთი ძალის გამარჯვება აწყობს, ვინც კონფრონტაციული რიტორიკის ერთგული იქნება, ვერ შეძლებს ქვეყანში დიალოგისა და თანამშრომლობის ატმოსფეროს შექმნას
ქართული პრესის მიმოხილვა 29.10.2020
ვახტანგ ძაბირაძე - დღეს საზოგადოებაში არ ჭარბობს განწყობა - ოღონდ ეს ხელისუფლება წავიდეს და ვინც გინდა მოვიდეს
ჟურნალისტური ეთიკის ქარტიის გადაწყვეტილებით დადგინდა, რომ "მთავარი არხისა" და "TV 1"-ს ჟურნალისტებმა არქის შვილობილ კომპანიასთან მიმართებაში ცრუ ინფორმაცია გაავრცელეს
Colliers International Georgia-მ მტკვრის მარცხენა სანაპიროს უძრავი ქონების ფუნქციური ანალიზი განახორციელა
ნანა დევდარიანი - გაუპატიურების, ძალადობის, ცემის, წამების ამსახველი კადრები არავის დავიწყებია (R)
არჩილ ბენიძე - მწამებლებისა და მკვლელების დასჯა ერთადერთ პარტიას - "პატრიოტთა ალიანსს" შეუძლია (R)
„სილქფესტი“ მომხმარებლებს სასაუბრო და ინტერნეტ პაკეტებზე ულიმიტო პირობებს შესთავაზებს
ექსპოჯორჯია აგრო ექსპორტის ფორუმს, ონლაინ - B2B ფორმატში გამართავს
ირმა ინაშვილი - "ქართული ოცნება" დამნაშავეა იმაში, რომ წლების მანძილზე ხელს აფარებდა დამნაშავეებს (R)
გიორგი ლომია - ციხის კადრებში ნათლად ჩანს, რომ პატიმრების წამებაში მთელი სისტემა იყო ჩართული (R)
ირმა ინაშვილი - "ნაციონალური მოძრაობა" ისტორიას და ფაქტებს ვერ წაშლის, რადგან ხალხს ყველაფერი ახსოვს (R)