გახარია-გომელაური-ღარიბაშვილით ივანიშვილმა ჩამოაყალიბა სამხედრო კაბინეტი, რათა გააგრძელოს საქართველოსთვის რუსეთის გუბერნიის დამკვიდრება, - ამის შესახებ ჟურნალისტებს "ევროპული საქართველოს" ერთ-ერთმა ლიდერმა, ზურაბ ჭიაბერაშვილმა განუცხადა.
ოპოზიციონერი დეპუტატის განცხადებით, რუსული პოლიტიკის გაგრძელება შეინიშნება პრემიერ-მინისტრობის კანდიდატის განცხადებაშიც, რომელმაც საგარეო პოლიტიკაზე საუბრისას უკრაინის საკითხი არ ახსენა. ჭიაბერაშვილის თქმით, "ქართულ ოცნებას" რუსული სცენარით მართვის საშუალება არ მიეცემა.
"სწორედ ამიტომ არ ახსენა გახარიამ საგარეო მიმართულებით უკრაინა. ამით გააგზავნა მკაფიო სიგნალი, რომ ივანიშვილს სურს საქართველოს შეუნარჩუნოს რუსეთის გუბერნიის სტატუსი," - აღნიშნა ჭიაბერაშვილმა.