ჰონგ-კონგის მოსახლეობა საპროტესტო აქციების გამართვას აგრძელებს. ამჯერად ისინი აშშ-ის გენერალურ საკონსულოსთან შეიკრიბნენ.
აღსანიშნავია, რომ ამჯერად ხელისუფლებამ მათ აქციის ჩატარების ნება მისცა. მომიტინგეები აშშ-ს ხელისუფლებას დახმარებისაკენ მოუწოდებდნენ. მათ აშშ-ის პრეზიდენტს დონალდ ტრამპს ჰონგ-კონგის ხელისუფლებისთვის სანქციების დაწესებისაკენ მოუწოდეს იმ შემთხვევაში, თუ მომიტინგეთა მოთხოვნებს არ გაითვალისწინებენ.
შეგახსენებთ, რომ ჰონგ-კონგში საპროტესტო აქციები მარტში მას შემდეგ დაიწყო, რაც ოფიციალურმა პეკინმა ჰონგ-კონგიდან ჩინეთის დანარჩენ ტერიტორიაზე პატიმართა ექსტრადირების შესახებ კანონი მიიღო. ჰონგ-კონგის სპეციალური ადმინისტრაციული რეგიონი ბრიტანეთის კოლონია იყო და ჩინეთს იმ პირობით გადაეცა, რომ პეკინი მის შიდა საქმეებში არ ჩაერეოდა. საპროტესტო აქციების დროს სამართალდამცავებსა და დემონსტრანტებს შორის დაპირისპირებები ხშირია, რის შედეგადაც ასობით ადამიანი დაშავდა.